محمد عدوية: "بحضر لعمل مع والدي ومحمد رمضان موهوب"

تحدث الفنان محمد عدوية عن ردود أفعال الجمهور على آخر أعماله الغنائية التي تحمل اسم "قبطان سفينتي" وعن أعماله المقبلة، إلى جانب حديثه عن الفنان محمد رمضان.

قال محمد عدوية في مداخلة هاتفية ببرنامج "free time"عن ردود الأفعال حول أغنيته الأخيرة: “الحمد لله الواحد بيجتهد ويعمل اللي عليه وبيعمل حاجة جديدة وفي الآخر بيستنى رد فعل الناس، والحمد لله في ردود فعل حلوة بس أنا مبحبش أتكلم على الكلام ده وأخلي الناس هي اللي تحكم، أنا بحب دايمًا أعمل مختلف ومبيهمنيش اللي هو هيعمل ايه وبحب أعمل حاجة تعيش”.

محمد عدوية يستعد لعمل فني جديد مع والده

أما عن تحضيره لأغنية جديدة مع والده الفنان أحمد عدوية، أضاف: “ده الأستاذ الكبير بتاعنا ده الأسطورة، بنعمل حاجة بس لسه بنشوف الكلام بتاعها اللي هيليق وبنشوف اللحن لسه تحت ورشة عمل”.

وعن تجربة غناءه برفقه والده ومحمد رمضان، أكد محمد عدوية: “محمد ممثل موهوب جدًا وهو موهوب ومجتهد بصراحة وربنا يوفقه، وطبعًا كانت حاجة حلوة جدًا وكانت خطوة جميلة إن إحنا التلاتة نجتمع في عمل واحد لإن من حسن حظي إني أبقى مع أبويا الأسطورة بتاع الغناء الشعبي ومعايا محمد رمضان طبعًا ربنا يحفظه بني آدم مجتهد جدًا وربنا وفقنا".

اقرأ أيضًا: طه دسوقي يعاني من حالة نفسية وغادة عادل محامية.. ملاحظات على إعلان مسلسل حالة خاصة