إيناس الدغيدي: الجمهور بيحب المشاهد الساخنة والفن مش حرام
حلت المخرجة إيناس الدغيدي ضيفة ببرنامج حبر سري، مع الإعلامية أسما ابراهيم، وتحدثت الدغيدي عن رأيها في الكثير من القضايا المثيرة.
وكشفت إيناس الدغيدي عن رأيها في تحريم الفن، وعن المشاهد الساخنة في أعمالها.
وقالت إيناس الدغيدي:"الجمهور بيحب المشاهد الساخنة، والنجوم اللي قدموا هذه المشاهد حققوا شهرة كبيرة بعدها، وكل النجوم اللي عملوا أفلام جريئة وفيها المشاهد دي كان عندهم شهرة أكتر من اللي معملوش".
الفن مهنة صعبة
وأكدت المخرجة ايناس الدغيدي أن مهنة الفن صعبة جدا ولا تتمنى لبنتها أن تعمل في هذا المجال، وقالت:" للي بيتشغل في الفن هيعرف أنه حاجة صعبة جدا، ومش هيحب أولاده يشتغلوا فيه عشان صعوبته وحساسيته وحكم الناس عليك وبيحصلك مواقف صعبة، ولم أتمنى بنتي تشتغل في الفن".
وأضافت إيناس الدغيدي:" احنا بنعيش في تحديات كبيرة ووجع قلب طول الوقت، ومحدش يعرف بنتعب اد ايه ".
إيناس الدغيدي تكشف رأيها عن تحريم الفن
أوضحت إيناس الدغيدي عن رفضها لمصطلح تحريم الفن قائلة:" الفن مش مهنة سهلة والفن مش حرام واللي بيحاسب عليه ربنا".
وأضافت:" اللي يتكلم عن التلامس والكلام ده في الفن مخ وعقلية، واللي يحرم الفن ويرجع ناس مشوهة فكريا ومش عارفه عايزة ايه، وكل واحد بيختار في الحياة بيبقى عايز ايه والناس تختار وتتحدى وتواجه يا متدخلش الفن من الأساس".
اقرأ أيضا:كيف علق صناع ألبوم مكانك للهضبة عمرو دياب على طرحه اليوم؟
