إيناس الدغيدي: ياسمين صبري جسمها جميل.. وهذه رسالتي لـ شيرين عبد الوهاب

حلت المخرجة إيناس الدغيدي ضيفة على الإعلامية أسما إبراهيم في برنامجها “حبر سري”، المذاع عبر فضائية “القاهرة والناس”، وتحدثت خلال لقائها عن ديانتها واعتناق زوجها للدين الإسلامي، بالإضافة لرأيها في عدد من نجوم الوسط الفني. 

إيناس الدغيدي تكشف عن ديانتها

وتحدثت المخرجة إيناس الدغيدي خلال حوارها مع الإعلامية أسما إبراهيم، عن ديانتها، فقالت: “أنا مسلمة ووالدي كان أستاذ لغة عربية ودين، واتربيت في بيت ديني، أنا مسلمة ولما جيت اتجوز جوزي الله يرحمه كان مسيحي وأسلم لأن في مصر مفيش جواز مسيحيين من مسلمات”.

وتابعت: “الراجل المسيحي ميقدرش يتجوز واحدة مسلمة، فأسلم وبنتي مسلمة، وهو مسلم ومات واتدفن مسلم وحتى ابنه اللي مش ابني أسلم، وأنا بحترم كل الأديان وبحترم الدين المسيحي جدا، ومقدرش أنكر إنه دين له مكانته عندنا، لكن أنا اتخلقت مسلمة وهفضل مسلمة".

وكشفت إيناس الدغيدي، عن رأيها في ياسمين صبري، فقالت: “ياسمين صبري محتاجة مخرج يخرج إمكانياتها للجمهور، وهي عندها وش جميل وجسم جميل وعقلها جيد، ولو هخرج فيلم في 2024 هختار ياسمين صبري بطلة للفيلم لأنها تمتلك  كاريزما ومحتاجة تتوجه فقط”.

إيناس الدغيدي تشيد بالمطربة شيرين عبد الوهاب 

وعن رأيها في شيرين عبد الوهاب، قالت: “أنا بعشق شيرين عبد الوهاب، وهي من أقوى المغنيين في الوطن العربي، ومحبش أحكم على مشاعرها النفسية، ولكني عايزة أساعدها عشان تتخطى أزمتها مع أنها مش صديقتي بس بحبها جدا.. بقولها العاطفة مش كل حاجة وعايزاها تخس وترجع المطربة الجميلة الحساسة التي يحبها الجميع”.

اقرأ أيضا.. إيناس الدغيدي: لو ممثلة عايزة تقلع وخلاص مش هشغلها معايا