سيمون تكشف كواليس تصوير مشهد الحريق بفيلم "يوم حلو و يوم مر"
كشفت الفنانة سيمون كواليس تصوير مشهد الحريق الشهير في فيلم "يوم حلو و يوم مر" مع الفنانة القديرة الراحلة فاتن حمامة.
تصريحات الفنانة سيمون
وقالت الفنانة سيمون خلال حلولها ضيفة ببرنامج "واحد من الناس" مع الإعلامي عمرو الليثي: "كنت لسة صغيرة ومش فاهمة أي حاجة، لقيت كل الناس المشاركين في الفيلم بيقولولي شدي حيلك النهاردة مشهد صعب ونهاية الفيلم، المخرج قالي خدي بالك اللبس هيتحرق وهنعمل المشهد مرة واحدة".
وتابعت: "كان المفروض أنا هحط المايه على راسي، وأول ما ولعت الكبريت النار طلعت، وكان مشهد مرعب جداً وتقريبا أغمى عليا، الدنيا كلها بقيت بيضاء مش شايفة حاجة وبقول أنا مت ولا عايشة ولقيت أستاذة فاتن كانوا مش قايلين لها وقافلين عليها وطلعت تقولي أوعي تعملي كده تاني".
مشاركة سيمون في فيلم يوم حلو ويوم مر
وتحدثت سيمون عن مشاركتها في الفيلم وقالت: "كنت حققت نجاح مع أول شريط نزلته ولقيت الاستاذ الكبير خيري بشارة بيكلمني بيقولي على الفيلم دة، وقتها روحت البيت ولقيت الناس المشاركين في الفيلم ومنهم الفنانة فاتن حمامة وهي ست عظيمة وشديدة الرقي وطبيعية ولما شافتني قالت "هي لمياء هي اللي تعمل الدور".
اقرأ أيضاً:إلهام شاهين: "مرتبطة بالسيدة العذراء ومريم أكتر سورة بحبها في القرآن"
