ياسمين عز: تامر حسني بقاله 700 سنة في الوسط وناجح من وأنا في المدرسة

علقت المذيعة ياسمين عز في برنامجها كلام الناس على قناة إم بي سي مصر، على الهجوم الذي تعرض له الفنان تامر حسني مؤخرًا بسبب فيلمه الأخير تاج.

قالت ياسمين عز: "ليه كل ما تامر حسني يعمل فيلم وينجح بتقللوا منه؟ تامر حسني عدى المرحلة دي ومش لسه هنقول موهوب ولا لا، تامر وهو نايم ممكن يألف أغنية وعنده خبرة كبيرة لأن بقاله 700 سنة في الوسط الفني".

ياسمين عز عن تامر حسني

وأكملت ياسمين عز: "بقالنا 700 سنة معندناش فنان شامل من أيام عبد الحليم حافظ ودلوقتي جالنا تامر حسني المفروض نفتخر به لأنه مشرفنا برا، ليه بيحصل تربص مع كل نجاح له وفيه متصيدين، إيرادات إيه اللي ماجبهاش الفيلم؟ دي التذاكر متباعة، ليه يطلع تعليق من شخص مجهول يقول إزاي فيلم تاج أعلى إيرادات؟  أنت مين؟ لصالح مين بتقول دا؟".

وأضافت: "تامر حسني مش بينام عشان يقدم عمل حلو، وهو أحسن من مليون ترافيس سكوت، ومعندناش في مصر غير تامر حسني فنان شامل وهو ناجح من وأنا في المدرسة لدرجة أنه مش بينام ولا بياكل ولا بيشرب عشان يقدم عمل حلو، والقلة اللي بيحبطوه متغاظين منه، وكل مرة يعملوا نفس الحملات عليه وأنا لن أسمح بـ دا".
 

فيلم تامر حسني 

ومن الجدير بالذكر أن فيلم تاج يضم العديد من الفنانين إلى جانب تامر حسني، منهم دينا الشربيني، ساندي، هالة فاخر، وعمرو عبد الجليل، ومن إخراج سارة وفيق.