غادة عبد الرازق: "عندي 53 سنة ومليش رزق في صحاب ولا حياة عاطفية"

حكت الفنانة غادة عبد الرازق، تفاصيل تعرضها للخيانة على يد صديقتها، مؤكدة أن عاطفية بشكل كبير ولا تمتلك أصدقاء في الوقت الحالي.

قالت غادة عبد الرازق، في تصريحات مع الإعلامية فاطمة مصطفى على راديو 9090: “أنا عاطفية جدًا ودمعتي قريبة، وقوتي إني لما اتهزم أقف تاني، ولكن قوتي مش في إني مؤذية أو شريرة، أنا مش عارفة أبقى لئيمة”.

غادة عبد الرازق: مليش رزق في أصدقاء ولا حياة عاطفية

وأضافت غادة عبد الرازق: “عارفة يعني إيه يبقى عندي 53 سنة ومعنديش أصحاب؟ كان عندي صاحبتي خسرتها من 25 سنة وقاطعتها 6 سنين علشان اتكلمت عليا ومن سنة عملت نفس العملة تاني وسمعتها ومتسجل ليها، ليه أنا عملت فيها إيه؟ ولا خربت بيتها ولا خدت جوزها دي لو كانت طلبت عنيا كنت اديتهالها، قعدت أقول استغفر الله العظيم ربنا مبيديش كل حاجة، خلاص أنتي مالكيش رزق ولا في أصدقاء ولا في حياة عاطفية، أنا خلاص أٌنهكت”.

اقرأ أيضًا: طه دسوقي يعاني من حالة نفسية وغادة عادل محامية.. ملاحظات على إعلان مسلسل حالة خاصة