رنا سماحة: محدش بينتج الأغنية الشبابية حاليا وأغاني المهرجانات والراب الأعلى
أعربت المطربة رنا سماحة عن حزنها بسبب تراجع اهتمام المنتجين بالأغنية الشبابية، وسط سيطرة من أغاني المهرجانات والراب والتراب.
تصريحات رنا سماحة
قالت المطربة رنا سماحة خلال حلولها ضيفة ببرنامج “ قعدة ستات”:"طول عمر الناس ذوقهم مختلف، والأغنية الشبابية موجودة وليها جمهورها، وممكن تطلع بجانبها أنواع أخرى، لكن علشان محدش بقى ينتج الأغنية الشبابية حاليا، وأغاني المهرجانات والراب والتراب هى الأعلى وهى اللي مسيطرة".
رنا سماحة تنتج أغانيها
وأضافت سماحة : "كل المنظومة الفنية فيها مشكلة، وأنا أخسر في إنتاج أغنياتي وبنتجها وأنا عارفة إن مش هيعود عليا شيء في الآخر، ومش هسترد اللي صرفته على الأغنية، لكن عندي أمل في يوم من الأيام أوصل للمكان اللي أستحقه".
وتابعت: "عندي أغاني جاهزة مش عارفة أنزلها، وتكلفة الدعاية للأغنية أصبحت أكبر من تكلفة عمل الأغنية نفسها، إلى جانب إن شغلي في الأفراح والحفلات قل عن الأول، وحاليا الفنانين المتصدرين في الحفلات هم الميجا ستار أو المهرجانات أو الراب والتراب".
اقرأ أيضا:محمد فراج وكريم فهمي يغنيان "جمهوره ده حماه" في زفاف ابن عدلي القيعي.. فيديو
