كاشفا رأيه في أعماله السابقة.. تصريحات محمد هنيدى مع معتز الدمرداش (فيديو)
حل أمس الفنان محمد هنيدى، ضيف فى برنامج "ضيفى" مع الإعلامى معتز الدمرداش، على قناة الشرق، كشف هنيدى خلال القاء عن كواليس بدايته الفنية، وسبب كثرة المتابعين له على مواقع التواصل الإجتماعي، ورأيه فى أعماله السابقه التى لم تلقى إستحسان الجمهور.
أبرز تصريحات محمد هنيدى
زمان كنت عايز أدخل شرطة ولما مجتش متضايقتش.
دخلت كلية حقوق واترفدت للأسف علشان سقطت بسبب المسرح.
قدمت بعدها فى معهد فنون مسرحية ومتقبلتش.
ورُحت معهد السينما اترفدت علشان مبحضرش.
مش عارف كنت جايب الإصرار منين يمكن علشان ربنا كان عايزني أكمل.
بدأت بالمشاهد الصغيرة وربنا كرم.
أنا بقيت نجم من فيلم همام في أمستردام.
فيلم إسماعيلية رايح جاي كانت بطولة جماعية وكنت مش بتابع.
لكن فيلم صعيدي في الجامعة الأمريكية كنت بنزل الجامعة وبشتغل.
فيلم همام كنت بقيت أتابع وأركز اكتر.
شخصية فيلم رمضان مبروك كانت شخصية غريبة والفيلم فيه رسالة.
الناس حبته فقدمتها في السينما والتليفزيون، وقريبا هنقدمه على المسرح.
هكتب قريب فيلم عن إمبابة وهصوره هناك.
إللى أنا بقدمه في أعمالي ده أنا شفته في الحقيقة ومتربى عليه.
سيبت إمبابة بعد مسلسل البخيل وأنا.
والدي شاف العيال بتجري ورايا بيقولوا الواد عطا.
أحلى حاجه فى فيلم مرعى البريمو هو التعاون مع سعيد حامد مجددا.
الفيلم سيحتوى على نسبة كوميديا ترضي الجمهور.
أحيانًا قدمت بعض التجارب البسيطة، والناس كان نفسها تشوفها أحلى وأنا أولهم.
بختفي ولكن بارضيهم في التجربة اللي بعدها.
فى تجارب ما كنتش طموحي لازم أكون صريح مع نفسي قبل الناس.
ماينفعش أشوف حاجة 70 في المية وأقول عليها دي 100 في المية.
إتعلمت في معهد السينما إن السينما فن وتجارة وصناعة.
القلق والتوتر بالنسبة للممثل مهما قدم سيظل موجود
القلق هيفضل لحد أول أسبوعين من نزول الفيلم.
لكن أحنا مطمنين للفيلم وبذلنا فيه مجهود كبير ولكن تظل مقابلة الجمهور شغلاك.
الناس اللى بتابعنى دى لأن ربنا محبب الناس فيا وبيساندني.
أنت بتتعب طول الوقت علشان ترضى ذوقهم ورأيهم في نفس الوقت.
دي مجرد نوافذ بتكلم منها وأجمل حاجة تتكلم بيها مع الناس إنك تشتغل لهم.
بحب أنكش والمشاكسة عشان الحياة ما تبقاش مملة.
الهزار والمشاكسه حلوه مادام مش بتتعدى الحدود ومش بتدخل في شئون الآخرين.
