فاطمة كشري: "جوزي كان بيضربني وهؤلاء الفنانون على تواصل معي"
تحدثت الفنانة فاطمة كشري، عن خلافتها المستمرة مع زوجها الراحل، بسبب مواعيد تصوير الأعمال الفنية، كما كشفت عن العديد من المواقف التي جمعتها بعدد كبير من الفنانين منهم الفنانة ليلى علوي وهند صبري.
قالت فاطمة كشري، خلال لقائها مع الإعلامية إنجي هشام، في برنامج المنسي: “أنا مفضلتش الفن على جوزي، وقولتله أنا بحب الفن واتضربت كتير، وجوزي قالي يا تشتغلي بالنهار يا بالليل في المسرح واختارت المسرح والجمهور بيديكي حقك وأسرة واحدة، واشتغلت 12 مسرحية، أنا بحب المسرح جدًا”.
وأضافت: “جوزي ضربني كتير وإيدي اتجبست، وعشت معاه 37 سنة لغاية ما رحمة الله خده وهو عنده 61 سنة، وأنا دلوقتي عندي 66 سنة، وعربية الكشري دي فضل علينا، التصوير والأفلام مالهاش ضمان زي أكل عيشي ده، العربية دي اللي ربت عيالي وعيال جوزي الله يرحمه”.
فاطمة كشري تكشف مواقفها المحرجة في التصوير
أما عن المواقف التي تعرضت لها أثناء التصوير، قالت فاطمة كشري: “في فيلم أحلى الأوقات ليلى علوي، كنا في شقة في شبرا بنصور وغلط أكتر من مرة في المشهد، والمخرجة كانت ست جميلة وبتقولي برافو يا بطة، وراح مساعد المخرج زعقلي جامد، وأنا قولتله سلام عليكم أنت بتزعقلي ليه؟ فا ليلى علوي رفضت تكمل التصوير”.
وتابعت فاطمة كشري: “ومرة تانية في مسلسل عايزة اتجوز المخرج رامي إمام الله يباركله، هو مبيحبش الصوت العالي وكنت بتكلم مع هند صبري في المشهد ونسيت كلمة، راح مساعد المخرج زعق ورامي قاله متزعقش ليها، وقالي تعالي يا مدام فاطمة وإنسي الكلمة خالص متقوليهاش فصعب عليا إني وقفت التصوير وعيطت، وهما اتضايقوا أوي علشاني، وهند صبري مسحت دموعي وقرأت ليا قرآن ورقتني، وقالتلي حد مزعلك؟ ودخلت المشهد قولته كامل وفرحت أوي”.
وعن مساعدة بعض الفنانين لها، أكدت أن الفنان أحمد مكي وأحمد السقا ومحمد هنيدي ورامي إمام، يحرصون على مساعدتها والتواصل معها طوال الوقت، وكشفت عدد من الأسرار عن الفنانين، قائلة: “أيتن عامر جريئة وأي حاجة تعملها، دنيا سمير غانم لذيذة وحبوبة بس غلطانة إنها سابت الكبير، ومنة شلبي الحب كله والحنية وبتتكسف لو قولتي لها شكرًا لما تديكي حاجة”.
اقرأ أيضًا: عمر طاهر: حبيبي الأولاني أول أغنية اكتبها والڤيديو بيوصل المعاني للجمهور أفضل
