حمو بيكا عن منتقدي سبوع ابنته: "ربنا يديني وأعمل تاني"

رد مؤدي المهرجانات الشعبية حمو بيكا على الانتقادات التي واجهته خلال الفترة الأخيرة بسبب سبوع ابنته تاج، كما حرص على توجيه رسالة لزملائه المطرب حسن شاكوش وعمر كمال، مؤكدًا أنهم إذا اجتمعوا في أغنية سيحققون نجاحًا كبيرًا.

قال حمو بيكا خلال استضافته مع الإعلامي هيثم بسّام في برنامج ورقة في ملف: “إحنا لو اجتمعنا إحنا التلاتة مش هيبقى فيه حد على الساحة لو مكنتش هتزلزل العالم بحق، أنا بقولهم إحنا لو اجتمعنا في أغنية، مصر مش هتسمع غيرنا تاني، إحنا عملنا أغاني كتير ناجحة ومنها شمس المجرة وصاحبي ده دراعي”.

حمو بيكا: كنت سواق توكتوك وبسمع الأغاني بتاعتي في الشارع

وعن خلافاته السابقة معهما، أضاف حمو بيكا: "ممكن أرد عليهم، بس ردي بيبقى مش قصدي حاجة، وبيزعلوا مني ومبرضاش أرد غير في وقت معين وهما أخواتي وبحبهم، كنت بعمل أغاني وبنام في الصحراء وكنت بشتغل نجار مسلح والأغاني بتاعتي شغالة وبردو وأنا سواق توكتوك ومسبتش التوكتوك وأنا ببيض محارة وبمشي في الشارع أسمع أغاني بتاعتي في الشارع".

ووجه رسالة لمنتقدي الاحتفال بسبوع ابنته، تابع: “ربنا يديني واعمل تاني والناس تتغاظ تاني، بس أنا مش بتعمد أضايق حد، وفيه ناس بتعمل أكتر من كده وبقول ربنا يديني وأعملها أكتر وأكتر وربنا بيديني، اللي يبص لعيشة الناس تحرم عليه عيشته”.

اقرأ أيضًا: طه دسوقي يعاني من حالة نفسية وغادة عادل محامية.. ملاحظات على إعلان مسلسل حالة خاصة