فريدة فهمي: "التلفزيون متجاهل مجهود فرقة رضا والراقصات حاليًا في حالة جهل"

كشفت الفنانة فريدة فهمي عن تفاصيل تأسيس فرقة رضا، وعن زوجها المخرج الراحل علي رضا، إلى جانب رأيها في أغاني المهرجانات الشعبية.

قالت فريدة فهمي خلال ندوتها بمعرض الكتاب الدولي للكتاب في دورته الـ 55: “علي رضا كان جواه أفكار عشان يحصل انتعاشة على مر السنين، واشتغل وراح عمل ونقى موشحات جميلة وبدأ يعرضها في التلفزيون، والمزيكا اللي كنت بسمعها على صوته كان فيها حاجة محصلتش، وكانت الموسيقى بتاعتها القالب، بس كان في كلمات وألحان رغم إنها ماكنتش خرافية”.

وأضافت: “ومن هنا علي رضا عرض في التلفزيون، وبدأ يعلن الموشحات، والناس برا لا يمكن يغيروا في حاجة شبه تراث، وعندهم أمانة فنية وكرامة وكبرياء، وإحنا عندنا دلوقتي الراقصات في حالة جهل وماعندهمش أمانة فنية”.

تصريحات فريدة فهمي عن فرقة رضا

واستكملت فريدة فهمي: “الكرامة مهمة والفنان لازم يعتز بكرامته ويبقى له قيمة، وأنا عيشت أحلى أيام لإني عملت اللي كان نفسي فيه، إني أرقص، ومكنتش واخدة بالي إن الرقص عيب، وكان بعيد عن مخي إن ممكن الرقص يبقى صعب المنال، وده حظي ومكتوبلي”.

وتابعت: “كمان أبويا عمل حسابه إني أبقى مصرية وأفهم كل حاجة، وكان عاوزني أتشبع بمصريتي، والمدارس الأجنبية مغيرتش من طفولتي، وحبي لمصر باقي لآخر يوم في عمري”، وأعربت عن حزنها بسبب عدم عرض أعمال فرقة رضا على التليفزيون، قائلة: “التلفزيون المصري متجاهل مجهود فرقة رضا، إزاي متجاهلين العلماء”.

اقرأ أيضًا: طه دسوقي يعاني من حالة نفسية وغادة عادل محامية.. ملاحظات على إعلان مسلسل حالة خاصة