هنا الزاهد عن طلاقها من أحمد فهمي: "إحنا أصحاب والحياة بتمشي"

تحدثت الفنانة هنا الزاهد عن كواليس علاقتها بالفنان أحمد فهمي، كما علقت على انفصالهما الذي تم منذ عدة أشهر، مؤكدة أن الانفصال تم في هدوء.

قالت هنا الزاهد في تصريحات إذاعية: “مش لازم كل اتنين يبقوا مع بعض يبقى فيه مشاكل، فيه ناس مش بيتوافقوا مع بعض وبيبقى في منتهى الشياكة وكنا أصحاب في الأول وفيه بينا عشرة 5 سنين وهو شخص محترم، ومفيش أي ضغينة”.

انفصال هنا الزاهد وأحمد فهمي 

وتابعت هنا الزاهد: “مش شايله هم أشوفه وشوفنا بعض في جوي أوردز وسلمنا على بعض وهو دلوقتي صديق وزميل في المهنة وده عشرة كبيرة، وأي حد بيجيب سيرة أى حد تبعه أو هو بحط إيدي في عينه”.

واختتمت هنا الزاهد حديثها قائلة: “الحياة مش بتقف، فيه حاجات بتضطري فيها تقولي لا خلاص النصيب لحد هنا، وده مش معناه إني وحشة أو هو وحش والحياة بتكمل، في الأول الحاجة صعبة جدًا عشان فيه عشرة والحياة مكملة ولازم تقفي والحمد لله أنا تمام وهو مبسوط جدًا وإحنا أصحاب، فيه ناس بتبقى متضايقة، والحياة قصيرة جدًا لازم تشوفي حياتك، ولو عايزة أى حاجة هكلمه ولو هو عايز حاجة هيكلمني وإحنا أصحاب في الآخر”.

اقرأ أيضًا: طه دسوقي يعاني من حالة نفسية وغادة عادل محامية.. ملاحظات على إعلان مسلسل حالة خاصة