"30 حياة".. تامر حسني يطرح أغنيته الجديدة مع مها فتوني (فيديو)

طرح الفنان تامر حسني أحدث أغاني ألبومه “هرمون السعادة” التي يتعاون فيها مع المطربة الشابة مها فتوني، والتي تحمل اسم “30 حياة”، وذلك عبر قناة تامر الرسمية على موقع الفيديوهات “يوتيوب”.

كلمات أغنية 30 حياة 

وتقول كلمات الأغنية: “إنتي الوحيده اللي عارفه مفتاح قلبي فين وإنت اللي لو قربلي هم بتبعده بتحسي بيا في أي وقت بكون حزين طب ما إنت قلبي في عز زعله بتسعده إنتي الحياه بالنسبه ليا واللي فيها مش عايزه أعيش لو ثواني مش هشوفك فيها خد مني عمري يارب كله وإديها وأنا لو هعيش 30 حياه هفديك بيها جنبك أنا بقيت حد تاني أنا معرفوش وأنا حبيت كل حاجه أولها معاك بعلنها للعالم وإنتي بين إيديا إنك هدية ربنا يا حبيبتي ليا إنتي الحياه بالنسبه ليا واللي فيها مش عايزه أعيش لو ثواني مش هشوفك فيها خد مني عمري يارب كله وإديها وأنا لو هعيش 30 حياه هفديك بيها”.

أغنية تامر حسني ومها فتوني

وكان قد أعلن تامر حسني عن أغنية “30 حياة” وكتب عبر حسابه على موقع فيسبوك: “كل يوم حب وانتم طيبين، الحقيقة من يوم ظهوري وأنا بحاول أقدم أصوات جديدة على مدار رحلتي، النهاردة بقدم صوت مطربة بأغنية ديو معايا، أغنية تبدأ بيها رحلتها الخاصة مع الجمهور المصري والعربي، بشكل احترافي في مشوار النجاح”.

وتابع: “هى من وجهة نظري صوت من أهم الأصوات العربية اللي فيها إحساس وتمكن وخامة صوت خاصة، وإن شاء الله هيكون ليها مستقبل كبير في عالم الأصوات النسائية في فترة قليلة، وادي برضو أغنيه تحبوا عليها في أيام الحب، بدل اللي أنا عامله فيكم من أحزان من أول الشتا”.

واختتم حديثه قائلًا: “مكمل رحلتي معاكم في اكتشاف نجوم جديدة للمستقبل، وكل فترة هقدم صوت عربي جديد من مصر أو من جميع أنحاء الوطن العربي، انتظروا كليب أغنية 30 حياة، من ألبوم هرمون السعادة اليوم إن شاء الله الساعة 6 مساءً".

اقرأ أيضا.. جومانا مراد: “معنديش وقت أغير على زوجي وهذه شخصيتي أمام يحيى الفخراني”