فيها حاجة حلوة وش الخير عليا.. تصريحات ريهام عبد الحكيم بعد حفل العلمين
عبرت الفنانة ريهام عبدالحكيم خلال لقاء خاص على قناة "إكسترا نيوز"، عن سعادته بحفلها مع الفنان مدحت صالح، الذى كان ضمن فعاليات الأسبوع الثالث مهرجان العلمين 2023.
أبرز تصريحات ريهام عبد الحكيم
-مدينة العلمين جميلة دائما، وموقعها ممتاز.
- مهرجان العلمين يغطي المدينة بشكل رائع.
-أنا سعيدة جدا بمشاركتى في المهرجان.
-مهرجان العلمين يضيف الكثير للفنانين الذين شاركوا فيه.
- المهرجان يجعل مصرَ في مكانتها التي تستحقها.
- يجب أن نكون على الساحة بالشكل الذي يليق بمصر.
-فخورة جدا بالمهرجان، وبكل ما توفره الشركة المتحدة للخدمات الإعلامية.
-أغنية "فيها حاجة حلوة" هى وش الخير عليا.
-الأغنية بتدينى تفاؤل من قبل ما أغنيها، وكانت أول تعاون مع الموسيقار الكبير عمرو خيرت.
-هى اللى عرفت الناس على صوت ريهام وكانت انطلاقتى الحقيقية.
-ليا الشرف أنى أغنى مع الفنان مدحت صالح، أنا من عشاقه.
-هو فنان جميل على المستوى الفنى والشخصى.
-مدحت صالح بيكون حريص أنه ينور الفنان إللى معاه.
-جميع الجمهور المصرى والعربى عشاق للفن والطرب المصرى.
-هحاول أركز أكتر خلال الفترة الجاية أن يكون ليا أغانى سنجل.
-الجمهور بقى بيطلب منى أغانى تكون ليا أكتر.
-لازم أكون بحب الحاجة إللى بقدمها عشان أعرف أعملها صح.
-الجمهور بيحب وبيشجع دائما الفن الراقى والمميز.
-بالرغم من وجود أنواع كتير من الفنون لكن لا يصح إلا الصحيح، والحاجة الحلوة بتثبت نفسها.
-أنا تابعت كل فعاليات المهرجان إللى فاتت وكنت فخورة بيها جدًا.
-كان لازم نجهز حاجة مع الفنان مدحت صالح بمناسبة أننا مع بعض على المسرح ودى كانت مفاجأة الجمهور.
-حاولت أنوع فى الأغانى عشان أقدر أخلى الناس تستمتع.
-كنت خايفة من فكرة أغانى الطربية فى العلمين.
-المهرجان مهتمش بس بأغانى Top music ولكن أهتم بالطرب كمان.
-دى حاجة بشكر الشركة المتحدة عليها، بالتعاون مع دار الأوبرا.
-بسمع كل أنواع الموسيقى إللى موجودة حاليا لكن ببقى ميالة أكتر للطرب.
