كزبرة: "كنت مستني فرصة التمثيل طول عمري واستنوا الحريفة 2"

أعرب الفنان أحمد بحر وشهرته كزبرة، عن سعادته الكبيرة بنجاح فيلم “الحريفة”، الذي تم عرضه مؤخرًا في دور العرض السينمائي، والذي يعتبر أولى تجاربه في التمثيل.

نشر كزبرة عبر حسابه على انستجرام عدة صور من كواليس فيلم الحريفة، وعلق: “من صغري كان نفسي أخد فرصة تمثيل وكانت بتتأخر عشان ربنا شايلي الأحسن والأفضل ليا والحمد لله الفرصة جت والحمد لله بتوفيق ربنا الواحد”.

وتابع كزبرة: “كنت قدها وأول فيلم ليا الحمد لله بقى من أعلى إيرادات السينما المصرية، والفضل بعد ربنا للناس اللي دخلت الفيلم، وبشكر كل واحد فيكم من قلبي، ويا رب نفضل دايما عند حسن ظنكم وثانيًا أنا بشكر أستاذ طارق الجنايني، صاحب الفضل عليا بعد ربنا لأنه شاف فيا موهبة ودعمني من كل قلبه”.

تصريحات كزبرة عن فيلم الحريفة

وأردف كزبرة: “وتاني حاجة بشكره على المخاطرة الكبيرة وثقته في شباب لسه طالعة وأغلبهم أول مرة يمثلوا بجد، أنت أفضل وأشطر الناس اللي شوفتها وتستاهل الخير كله وطبعًا شكرًا أستاذ روؤف السيد المخرج العبقري اللي قدر يطلع من كل واحد فينا أحسن ما عنده ومعاملته لينا وإنه قدر يحتوينا ويثق في موهبتنا”.

واختتم كزبرة حديثه قائلًا: “طبعًا بشكر أخويا وحبيبي أستاذ إياد صالح القلم الجارح على الفيلم الحقيقي والورق الجميل اللي يعيش مع الناس والرسالة الحلوة اللي وصلتها من الفيلم وطبعًا أى حد اشتغل في الفيلم، أنا بشكره من كل قلبي، وأخيرًا إخواتي الحريفة أنا مهما أتكلم مش هعرف أعبر عن حبي ليكم وهفضل طول عمري فخور إني اشتغلت معاكم، وفخور إن النجاح ده أنا شوفته معاكم أنتم وليا الشرف إني كنت جزء بسيط من العمل ده وأخيرًا استنوا الجزء التاني”.

اقرأ أيضًا: مروان حامد: فيلم عمارة يعقوبيان كان مسئولية.. والزعيم أعطاني ثقة كبيرة