فيفي عبده: "كسرت الدنيا بالجلابية وعملت 135 ألف لحزمني يا في اليوم"

كشفت الفنانة فيفي عبده، عن رأيها في الراقصات المتواجدين على الساحة حاليًا، مشيرًا إلى أن الرقص الشرقي كان له قيمته في الفترة الماضية.

قالت فيفي عبده، خلال لقائها مع الإعلامية فاطمة مصطفى على راديو 9090: “الجيل الحالي بعافية شوية، والرقص زمان كان ليه هيبته وقيمته، واللي كان بيتفرج كان له تقله مش زي دلوقتي، ودلوقتي الرقاصة بالزمبلك كأنها لعبة وبيقلدوا بعض، أنا كسرت الدنيا بالجلابية، ولما كنت فقيرة مكنتش بقدر أشتري بدلة أرقص بيها، ولما ربنا إداني جبت 5 مصميين أزياء واشتريت”.

تصريحات فيفي عبده

وأعربت فيفي عبده، عن ندمها بسبب عدم تسجيلها للمسرحيات التي قدمتها، وقالت: “غلطة عمري إني مصورتش المسرحيات اللي عملتها، أنا عملت 15 مسرحية واللي اتصور منها حوالي 3 بس، ودلوقتي براجع نفسي بعد ما بقى في ميديا هتجنن ليه مسجلتهمش، ودلوقتي لو رجعت أعمل مسرح هصور اللي مصورتهوش”.

وتطرقت بالحديث عن مسرحية “حزمني يا”، وقالت فيفي عبده: “نفسي أعمل مسرح تاني، والمفروض يكون فيه مسارح للناس اللي الناس بتحبهم، وحزمني يا اتعرضت لمدة 5 سنين، وكنت بعمل إيرادات 135 ألف جنيه يوم الأجازة بتاع إسكندرية، والمسرح المصري عمره ما عمل المسرح ده مع أى حد”.

اقرأ أيضًا: طارق الشناوي: "فيلم أبو نسب أفضل من الإسكندراني لأنه مفيهوش إدعاء سياسي"