حسن الرداد: محارب شخصية مواطن بسيط ونواصل التصوير في رمضان
تحدث الفنان حسن الرداد عن الشخصية التي يقدمها في مسلسل "محارب" المقرر عرضه في السباق الرمضاني 2024.
تصريحات حسن الرداد
قال حسن الرداد خلال مداخلة هاتفية ببرنامج " كلمة أخيرة" مع الإعلامية لميس الحديدي:"لسه مخلصناش تصوير ، وهنكمل في رمضان، خلصنا 90% من العمل وهناخد أسبوع من رمضان علشان نكمل الباقي".
وتابع: "عزيز محارب" هو شخصية المواطن البسيط، اللي عاوزين نرجعها تاني للدراما، مش كل الشخصيات تبقى "شبحنة"، مش كله لازم يكسر ويضرب وبدراعه، أنا تربيت على مسلسلات من صغري تقدم المواطن البسيط، سواء مدرس أو دكتور أو أي حرفة أو عامل في مصنع ويكون شخص عادي، بنقابله في الشارع في القاهرة أو دمياط في بلدي، ودي النماذج الي بحب أتكلم عنها وأشوف رحلة كفاحها، وأتأثر بيها وأتكلم عنها".
مسلسل محارب
وأضاف:" في الفترة الأخيرة بقيت بشوف فكرة تقديم المواطن البسيط وكأنه "عم الشبحنة في العالم"، وبقت الطبيعي والمنتشر أني أجيب فئة أو شخصيات من دماغ البني أدمين وأحطه مكان شريحة أخرى من المجتمع وهذا غير حقيقي، لكن مسلسل محارب غير كدة، وإن شاء الله يعجب الجمهور".
اقرأ أيضاً:عمر طاهر: حبيبي الأولاني أول أغنية اكتبها والڤيديو بيوصل المعاني للجمهور أفضل
