أمير كرارة: "اللي بيشتموني بيجروا عليا يتصوروا معايا في الشارع"

ظهر الفنان أمير كرارة في حوار خاص من  برنامج حبر سري مع الإعلامية أسما إبراهيم، والذي يعرض على شاشة القاهرة والناس خلال شهر رمضان المبارك.

وأعرب أمير كرارة عن غضبه الشديد خلال لقاءه في حبر سري، من بعض رواد السوشيال ميديا، هؤلاء الذين يهاجمون الممثلين، دون وجه حق.

تصريحات أمير كرارة

وقال الفنان أمير كرارة في حديثه: "بزعل أوي من كم الناس اللي بتشتم الممثلين.. انتو ليه بتشتمونا احنا بنشتغل عشانكم، وبكون مستني منكم مبروك، لو مش بتحبني متتفرجش عليا، ودا اللي بيضايقني في السوشيال ميديا، واللي بيشتموني عليها بيجروا عليا يتصوروا معايا في الشارع".

واستطرد كرارة: "وكان فيه فنانة طالعة بتشتم نجم ودا عيب وأنا لما بتسأل عن حد مش بتكلم عليه وحش، متشتمش الست الممثلة المحترمة وابنها بيقعد على السوشيال ميديا بيشوفك بتشتم أمه، خلي في احترام بينا، وحسسني إنك مقدرني عشان احترمك، وحد كان منزل خبر كدب عني وحد شتم فدخلت بعتله راح ماسح الكومنت، والشتيمة بقيت سهلة، وأنا بحب الناس وبحب الشارع".

وفي فقرة أخرى من اللقاء، وضح النجم أمير كرارة رأيه في المسلسلات التركية، قائلا: "المسلسلات التركية ناجحة وأنا مش بقدر عشان شايف إننا أحسن بكتير، هي حلوة بس فيها 100 حلقة وطول الحلقة بشوف الراجل خارج من بيته لهناك في حلقة واحدة، والمسلسلات عندنا سريعة، والدراما عندنا هتبقى عالمية لما المسلسلات تتدبلج ولو ابتدت تنزل برا هيعملوا شغل جامد جدا، واحنا عندنا كم مسلسلات محترمة، والذوق العام اختلف".

اقرأ أيضاً:بسنت شوقي: محمد فراج متطرف في حب الأهلي وبتابع الكرة العالمية أكتر