«أحمد زكي بيمثل بقفاه وكنت بخاف من عادل أدهم».. أبرز تصريحات يسرا
كشفت الفنانة يسرا، عن تفاصيل بشأن مشوارها الفني، بخلاف حديثها عن بعض الفنانين، خلال لقائها ببرنامج "ليك لوك" مع الفنان عمر متولي، الذي يذاع عبر صفحته الشخصية على موقع التواصل الإجتماعي فيسبوك، ويوتيوب.
تصريحات يسرا
_ أحمد زكي كان بيمثل بقفاه وقولت له مرة أنت من كتر تشبعك بالشخصية بتمثل بقفاك وبتسرق مني الكاميرا في كل المشاهد.
-الأمان أحلى صفة في الرجالة، وخالد جوزي بيعرف إزاي يصالحني وعارف مفاتيح قلبي كويس وحنية الدنيا كلها عنده.
_ صلاح السعدني أكتر فنان بيعرف يحفظ كويس الاسكربت ويقدمه بشكل مختلف وخاص به.
-قدمت أدوار شعبية من تاني عمل ليا كان في فيلم ألف بوسة وبوسة وكنت لازم أحفظ الشتايم اللى موجودة في الاسكربت عشان متطلعش مفتعلة.
_شادية ممثلة قوية وضربتني قلم جامد في فيلم لا تسألني من أنا وقولت لها إيدك بتلسوع وهي كانت عارفة.
_فاتن حمامة قصة كبيرة وحدوتة لوحدها وكان عندها ذكاء خارق في اختياراتها.
-عبد الحليم حافظ وعمرو دياب أكتر مطربين قريبين لقلبي.
_عمرى ما كرهت شغلانة التمثيل واتعلمت منها كتير واتعرفت على أشخاص مكنتش أتخيل هتعامل معاهم.
-عادل أدهم من الفنانين اللي كنت قلقانة وخايفة منهم قبل ما أعرف عن قرب، لكن هو فنان دمه خفيف وطيب جدًا.
اقرأ أيضاً:أنتِ مفتاح الحياة.. أصالة توجه رسالة دعم للسيدات في يوم المرأة العالمي
