تامر حبيب يكشف سبب خلافه مع والده

تحدث السيناريست تامر حبيب عن خلافاته مع والده، والتي كان سببها زيادة وزنه، وكان دائما يطالبه بإنقاص وزنه، قائلا: «كل شوية يقولي منظرك هيبقى عامل زي الشوال كده لدرجة جابلي عربية وركنها في الجراج وقالي مش هتركبها إلا لما تخس».

تامر حبيب في برنامج ع المسرح

وكشف  تامر حبيب، في حواره ببرنامج "ع المسرح" مع الإعلامية منى عبد الوهاب، بالموسم الرمضاني الحالي 2024، والذي يذاع على شاشة قناة الحياة، وقال: «بما إن أنا ابنه ووارث العند منه ماخستش وخدت العربية فكان عامل عقدة وبيهاجمني دائما بسبب زيادة الوزن».

تامر حبيب يصاب بحالة هسترية 

استطرد "حبيب": «أصبت بحالة هيسترية وقعدت أقطع في هدومي، وتاني يوم كنت رايح شغلي وفجأة فتحت زجاج السيارة وكلمت ربنا بأنه يريحني، لأنه أعطاني 500 إشارة أنه ربنا بيحبني لأنه وقتها كنت تعبان، وفي اليوم الثاني ارتحت نفسيًا وحياتي انقلبت 180 درجة».

وتابع: “كنت فاكر أبويا مش بيعرف يبين مشاعره، وفهمته بعد ما مات من وصية كتبها، وهو كان عارف إنه هيموت، وطول الوقت كنت بسأل نفسي بيحبني ولا لأ، وآخر مرة قبل وفاته سابلي جواب بالوصية وقالي أفتحه بعد ما أموت، وحسيته بيتلاشى في النور مش راجع”.

اقرأ أيضا… مشاجرة بين عنبة وهنادي مهنا بسبب التيك توك في "عتبات البهجة"