شيرين عبد الوهاب: كل اللي حواليا طلعوا خونة وبقالي 25 سنة بتسرق

تحدثت الفنانة شيرين عبد الوهاب عن تعرضها للسرقة خلال 25 عاماً ، مؤكدة أنها تعرضت الخذلان من أقرب الناس لها.

شيرين عبد الوهاب: تركي آل الشيخ قالي مكانك محدش يملاه ومسميني مارادونا الفنانات

تصريحات شيرين عبد الوهاب 

قالت الفنانة شيرين عبد الوهاب خلال حوارها مع الإعلامي عمرو أديب في بودكاست Big Time: "كل اللي  كانوا في حياتي خونة، أقرب وأبعد الناس كانوا خاينين ومفيش أصل ولا عشرة".

وأضافت: "شخص ما وأنا بمشيه من عندي وبقوله انت ما لكش عيش خلاص عندي فيقول لي أنا عايز كذا علشان أمشي، نوع من الابتزاز، مش يقول لي حقك عليا أو آسف إني عملت كده ومش هاين عليا العشرة، عايز أسمع الكلمة دي علشان أطمئن لكن لأ، كل الناس كلهم قلعوا القناع واكتشفت خيانتهم ليَّ".

وتابعت: "كنت مستنية حد من القريبين ليَّ يبيض وشي وما تهونش عليه العشرة ويتمنى ليا الخير، ما لقتش كلهم طلعوا خونة وباعوا كل حاجة، جربت الكل في الامتحان وكله رسب ولم ينجح أحد".

شيرين عبد الوهاب تتعرض للسرقة 25 عاماً 

واستكملت  شيرين عبد الوهاب حديثها قائلة: "الفلوس ما لهاش علاقة بالتعاسة ولا السعادة ، أنا شقيت وتعبت  من وأنا عمري 13 سنة، ولو كان اللي حواليا بيستثمروا لي فلوسي كان زمان بقى معايا، ولكن أنا بقالي 25 سنة بتسرق ولو حد تاني بيحب الفلوس كان اتنقط وجراله حاجة ، واللي عندي دايمًا مش ليا،  أنا عايشة حياتي ببساطة وما عنديش خدم كل اللي عندي فدانين أرض زرعاهم كل الحاجات اللي بحبها، ولما باكل حتة جبنة قريش كأني باكل كافيار".

اقرأ أيضاً:أخيرًا مش شريرة".. ناردين فرج تكشف تفاصيل شخصيتها في مسلسل "لحظة غضب"