سلمى أبوضيف عن مسلسل أعلى نسبةمشاهدة: بيناقش قضايا الناس البسيطة
أعربت الفنانة سلمى أبو ضيف عن سعادتها بردود فعل الجمهور، بعد عرض أولى حلقات مسلسل أعلى نسبة مشاهدة، حيث أشارت إلى أن المسلسل يناقش المشكلات اليومية للناس البسيطة التي تلجأ إلى التيك توك، بسبب ظروف المعيشة.
تصريحات سلمى أبو ضيف
قالت سلمى أبو ضيف في مداخلة هاتفية ببرنامج أسرار النجوم مع إنجي علي: “ المسلسل كله كان صعب وكنا بنهتم بأدق التفاصيل ، وحياة شيماء مش سهلة إطلاقًا هي بتصحى كل يوم مش عارفة التريند والدنيا هتاخدها فين، ودا بيولد عندها إرهاق جسدي ونفسي، دائمًا”.
وأضافت سلمى أبو ضيف:" فيه ناس الظروف بتحطها في مواقف أكبر منها، وبتخليها مش عارفة تتصرف إزاي في الأوقات الصعبة، بالذات أن بيبقى في عدم وعي وخبرة، وخصوصًا لو الشخص محتاج فلوس، فبيبدأ يشوف أي فرصة".
واستكملت سلمى أبو ضيف حديثها قائلة: “الناس مبقتش حاسة ببعضها ولا بتهتم بمشاعر أي شخص، وفي ناس بيكون عندها مصايب في حياتها، وكل اللي طالبينه إنهم ياكلوا ويسترزقوا، ومش بيلاقوا كمان ده للأسف، وفي ناس كتيره كده، وأنا تعاطفت مع شيماء، رغم أني مكنتش مهتمة بالتيك توك، بس لما لقيت في ناس فاتحة بيوتها من التيك توك، وعارضين حياتهم 24 ساعه للناس من أجل كسب العيش، وفيه منهم بيكسب حب الناس”.
أبطال مسلسل أعلى نسبة مشاهدة
ويشارك في بطولة مسلسل أعلى نسبة مشاهدة كلا من نجوم الفن: "سلمى أبو ضيف، ليلى أحمد زاهر، انتصار، محمد محمود، فرح يوسف، وهند عبد الحليم، والفنان محمد شاهين، إسلام إبراهيم، والعمل من إخراج ياسمين أحمد كامل، وسيناريو وحوار سمر طاهر، ومن إنتاج عبد الله أبو الفتوح.
اقرأ أيضاً:مع رجل المستحيل.. أحمد سعد يوجه رسالة للمستشار تركي آل الشيخ
