أحمد عز: حياتي الشخصية متهمش حد ووالدي مكانش شايفني ممثل
تحدث الفنان أحمد عز، عن تفاصيل بداياته الفنية، مؤكدًا حرصه على إخفاء حياته الخاصة عن الجمهور، والتمتع بالخصوصية بعيدا عن الأضواء.
تصريحات أحمد عز
وقال أحمد عز، خلال بودكاست Big Time الذي يقدمه الإعلامي عمرو أديب: "حياتي الشخصية متهمش حد، واللي يهم الجمهور أني أعمل فيلم ومسلسل وإعلان كويس، وأنا بزعل جدًا لما بشوف الناس بتقول هما بياكلوا وبشربوا وقاعدين فين وناشرين حياتهم كلها، في رأيي دا مش صح، والناس لو شافت عيشتي هتزهق".
بداية أحمد عز الفنية
أما عن بدايته الفنية ، قال أحمد عز:" أبويا مكنش شايفني ممثل لأنه كان شغال في البترول، وفكر إني هكمل في الكارير ده، وأنا بدأت حياتي كـ ريسبشنت في فندق بالهرم لمدة سنة، وبعدين نقلوني مبيعات، وبعدين اترقيت وأنا عندي 25 سنة بقيت مدير مبيعات لفنادق أكور مصر، وسنة 1995 كان مرتبي 7500 جنيه".
وتابع أحمد عز: “كنت بشتغل موديل وجت المخرجة إيناس الدغيدي جابتني أنا وهند صبري في فيلم مذكرات مراهقة، وطلبت إجازة من الشغل علشان أعمل الفيلم ورفضوا وخيروني بينه وبين التمثيل واخترت التمثيل في الآخر ، وسبت الشغل في رمضان وقلت لأبويا وأمي أني سيبت الشغل قاموا وسابوا الأكل، وروحت عملت فيلم مذكرات مراهقة وقعدت سنة ونص بعده مبيجيليش شغل”.
وأضاف أحمد عز:" أبويا كان بيحاول يضغط عليا وأصدر فرمان وقرار إن ماحدش يديني فلوس، وأنا ماشي في الشارع بتفرج على الأفيشات وكنت بشوف نفسي فيها، لغاية لما ربنا أراد واشتغلت ونجحت".
اقرأ أيضاً:مها الصغير: أتعرضت للتنمر وأنا صغيرة بسبب مهنةبابا والفلسطينيين علمونا عزة النفس
