شريف سلامة: الناس مش هيصدقوا شخصياتنا لو عرفوا حياتنا الحقيقية
قال شريف سلامة خلال حلوله ضيفاً ببرنامج ألبوم صور، عبر محطة راديو إنرجي 92.1:0"بحب يبقى مسموح للناس يشوفوا شغلي وشخصياتي ويصدقوها، لكن أنا ضد السوشيال ميديا والناس تشوف حاجاتي الشخصية وكل تفاصيل حياتي" .
وأضاف : "احنا فنانين بنقدم وعي وعلينا مسئولية كبيرة، وهنفقد المصداقية والناس مش هيصدقوا شخصياتنا لو عرفوا حياتنا الحقيقية".
شريف سلامة يكشف جانب من شخصيته
وكشف شريف سلامة عن جانب هام في شخصيته قائلا:" مش بحب أجمل الكلام واللي بحسه بقوله ولا بحب استخدم فلتر في حياتي".
وأوضح شريف سلامة أنه يسير على عدد من القواعد الهامة في حياته، قائلا:" أنا مبعملش حاجة عشان حد أبدا، ولو الصورة بتاعتي وصلت غلط لحد بيبقى واجب عليا لو شاف الأمور بشكل مخالف للواقع بوضحله.. لكن لو هو مصمم يشوف نفس وجهة النظر هو حر".
وأكد شريف سلامة أن الصورة المرسومة له من الناس حقيقية موضحا: أنا شخص مسالم وحقيقي.. والأحكام المسبقة ده كلام فاضي، ميهمنيش الانطباعية وبشوف إن نقل الخبرة في التعامل ده جهل..أنا بتعامل مع الناس بصفتهم الوقتية وتعاملهم المباشر.
اقرأ أيضا: بطولة طفلة وطابع أوروبي.. معلومات عن فيلم The Goat قبل عرضه في مهرجان الجونة
