نجوى فؤاد: "مندمتش على مشاهدي الجريئة وقرايبي بيسألوا عليا عشان الورث"

تحدثت الفنانة نجوى فؤاد عن مشاهدها الجريئة في بعض أعمالها، مشيرة إلى إنها غير نادمة عليها، كما علقت على انتقادات هذه المشاهد أمام الأهرام، إلى جانب الحديث عن محاولة أقاربها التقرب منها في الفترة الأخيرة بسبب الورث.

قالت نجوى فؤاد خلال لقاءها في برنامج “حبر سري”: “أنا مش ندمانة على مشاهدي الجريئة ووقتها كان سني يسمحلي، إحنا جيل خربشنا كتير علشان نبقى نجوم، وجيل دلوقتي مبيتعبش وبياخدوا 10 مليون وإحنا خدنا 10 ملاليم، وأعلى أجر أخدته كان 8 آلاف جنيه، ومقدرش أعمل دور تلميذة بفيونكات وأنا عندي 70 سنة”.

وأضافت نجوى فؤاد: “ندمت إني دخلت الوسط الفني، وضحيت إن يكون فيه أسرة وأولاد وأحفاد، كان هيبقى عندي حاجات كتير أوي أغلى من دلوقتي”.

تصريحات نجوى فؤاد

وعن انتقادات صورها الجريئة أمام الأهرامات، قالت نجوى فؤاد: “الانتقادات كانت ليا لأني بعرض اللبس العريان زيادة عن اللزوم اللي أضافوه لينا الروسيات والراقصات الجدد، واقترحت يتحط شيفون ويكون الممنوع المرغوب ويجذب النظر، والصورة كانت إعلان لوزارة السياحة علشان مصر، الناس ليها حق تنتقد، ولكن ميعرفوش أني عملت كده علشان مصر”.

أما عم أسرتها، قالت: “في بعض الأقارب بدأوا يسألوا عليا علشان فات من عمري كتير، ولكن لعبهم على شونة ومفيش ورث ياخدوه، وأنا عديت بأزمات صحية كتير ومسألوش عليا”.

اقرأ أيضًا: بطولة طفلة وطابع أوروبي.. معلومات عن فيلم The Goat قبل عرضه في مهرجان الجونة