بسمة بوسيل تكشف قصة زواجها من تامر حسني وتعلق: "حلم رجوعنا هيتحقق"
كشفت الفنانة بسمة بوسيل عن تفاصيل علاقتها بالفنان تامر حسني، مشيرة إلى أن حلم رجوعهما سوف يتحقق قريبًا، إلى جانب حديثها عن علاقة حبهما وقصة الزواج.
قالت الفنانة بسمة بوسيل خلال لقاءها مع الإعلامية منى عبد الوهاب في برنامج "ع المسرح": "لما جيت مصر تقريبا كل أحلامي اتحققت، لقيت حب حياتي وفي نفس الوقت كنت بعمل ألبوم مع محسن جابر بس حسيت ساعتها إني عايزة اتجوز اكتر، وحبي لتامر حسني كان أكبر من الغناء".
قصة زواج تامر حسني وبسمة بوسيل
وتابعت بسمة بوسيل: "وافقت إن ألبومي مينزلش لإني لما أعلن زواجنا أنا وتامر حسني كان هناك حملات غريبة على الإنترنت وقتها تامر كان من باب الحماية وإن محدش يتكلم عني بطريقة مش كويسة نعطل خروج الألبوم، وانا كمان كنت خايفة من نزول الألبوم".
وأضافت: "الزواج وحب العمر خد مكان النجومية والشهرة والغناء، واتجوزت بدون فستان وحفل زفاف بس أنا وتامر حسني اتفقنا علي كده ودي مش غلطته وأنا عارفة إني متجوزة حد مشهور، وشهرة تامر كنت بالنسبة لي مستفزة ومخيفة وعملنا فرح وكل حاجة بشكل خاص، ونزل خبر زواجنا في الصحافة، وأنا عارفة إن فيه هجوم حصل عليا وكانوا بيجولنا قدام البيت يطالبوه بطلاقي، وأمي كانت خايفة وهو كمان كان خايف من تسليط الأضواء على زواجنا".
تصريحات بسمة بوسيل عن تامر حسني
وأكدت: "تامر حسني لما اختارته مش بس علشان حبيته كشخص ولكن علشان كنت عايزاه يبقى أبو عيالي، وكنت حاسة ان مش أي حد أحبه ينفع يكون أبو عيالي، أنا قد حبي للغناء كنت عايزة أتجوز أخلف وأنا صغيرة وكان حلمي أخلف ولاد وبنات في سن صغيرة، وفي الأول كنت بقول يارب مش ولد لإني معنديش إخوات بنات وعندي 2 ولاد كرهوني في عيشيتي وحاجتي يسرقوها، بس بحب الخلفة ومن الستات اللي بحب الخلفة وعايزة يبقى عند 10 عيال ودلوقتي نفسي أخلف كمان اتنين".
واختتمت بسمة بوسيل حديثها، قائلة: "حلم رجوعي لتامر حسني هيتحقق وده خبر أكيد يعني، أنا دلوقتي متصالحة ومتسامحة مع كل الناس واتغيرت للأحسن بعد الانفصال".
اقرأ أيضًا: بطولة طفلة وطابع أوروبي.. معلومات عن فيلم The Goat قبل عرضه في مهرجان الجونة
