بسمة بوسيل تكشف لأول مرة سبب انفصالها عن تامر حسني.. فيديو

كشفت الفنانة بسمة بوسيل لأول مرة سبب إنفصالها عن الفنان تامر حسني، مؤكدة أن الطلاق كان صدمة بالنسبة لها.

قالت بسمة بوسيل خلال حوارها مع الإعلامية منى عبد الوهاب في برنامج “ع المسرح”: “احنا وصلنا لمرحلة مكناش بنعرف نتكلم، طبيعة شغل تامر كمان صعبة ودايمًا محتاجة مجهود، لكن اكتشفت إن المشكلة فيا أنا بتعلق جدًا بالأشخاص، ودي أزمتي”.

وتابعت بسمة بوسيل أن اللجوء لله عز وجل، كان أسلم حل بالنسبة لها في هذه المرحلة، قائلة: "رحت 3 مرات عمرة في سنة واحدة، أجري على الكعبة واشتكي والحمد لله بقيت راضية، ولما كنت بقعد مع نفسي وأراجع شريط حياتي كنت أقول ليه يحصل فيا كده! وهو أنا عملت إيه يارب عشان يحصل فيا كل ده؟ وكنت ببقى متضايقة قوي".

سبب طلاق بسمة بوسيل وتامر حسني

واستكملت بسمة بوسيل: "الطلاق وقع بيننا بعد وفاة والدي ومكنتش متوقعاه وكان صدمة بالنسبة ليا، وبعدها والدتي أجرت عملية جراحية، وبقيت مسئولة بشكل كامل عن 3 أطفال، قائلة: ”بدأت أشعر إنني بحاجة إلى التقرب من الله، واكتشفت بعد استقرار حالتي النفسية أن المشكلة تكمن في شخصي، لأنني أتعلق بشدة بالآخرين، والتعلق لا يجوز إلا برب العالمين".

واختتمت حديثها قائلة: “بعد ما هديت من الأزمات اللي مريت بها، بقيت أنظر لكل الأمور ببساطة سواء الموت أو الطلاق، وبقيت متصالحة أكثر مع نفسي ومسامحة كل الناس ومبسوطة في حياتي، ولما بدأت أرضى باللي مكتوب ليا بدأت أتحسن في شغلي وكإن ربنا بيكرمني عشان أنا رضيت”.

اقرأ أيضًا: بسمة بوسيل: "مبقدرش أغفر الخيانة وهرفض إن بنتي ترتبط بشخص مشهور"