مكلمنهاش.. محمد رياض يكشف سبب عدم تكريم عبلة كامل

كشف الفنان محمد رياض، بصفته رئيس المهرجان القومي للمسرح، عن كواليس الدورة الـ 16 من المهرجان التي حملت اسم الفنان عادل إمام، كما كشف عن أسباب عدم تكريم عبلة كامل، إلى جانب الحديث عن الإقبال الكبير من الجمهور على هذه الدورة.

محمد رياض يكشف سبب عدم تكريم عبلة كامل

قال محمد رياض خلال لقاءه في برنامج الستات: "أنا عارف عبلة كامل كويس، مش بتحب الظهور بشكل عام واستحالة تظهر في برنامج أو تعمل انترفيو لأن هي دي طبيعة شخصيتها، واقترحنا اسمها في الدورات اللي فاتت بس هي ليها وجهة نظر أنا بحترمها، وما فكرتش فيها في الدورة دي ولا كلمناها لأني عارف أنها مش هتوافق"..

كما نفى محمد رياض ما قاله أمير رمسيس مدير مهرجان القاهرة السينمائي سابقًا، بأن مهرجان المسرح طلب من عبلة كامل التكريم وهى رفضت، مؤكدًا: "لم نكلمها من الأساس".

المهرجان القومي للمسرح

وأضاف محمد رياض: "انشغلت جدًا بالتحضير للدورة دي وما كنتش بقعد في البيت، وكنت سعيد إن الناس مبسوطة، والمسرحيين محتاجين يتعمل ليهم مهرجان كبير، لأنهم ناس افنوا عمرهم عشان المسرح، ومش بياخدوا مقابل ولكن حبهم للمسرح هو المقابل، وقولنا نعمل حاجة تليق بالناس دي، واستشعاري بالمسؤولية كان أكبر لإنه مهرجان للدولة، ده أكبر مهرجان مسرحي في العالم كله، ومهرجان مصر وبتاريخنا المسرحي".

جوائز المهرجان القومي للمسرح 

كما انتقل رياض بالحديث عن انتقاد البعض لقيمة الجائزة الأولى في المهرجان والتي تقدر بـ 10 آلاف جنيه فقط، قائلًا: "مش حقيقي، وأنا قلت مش هرد على حد، لكن كل اللي اتكتب مش حقيقي، قيمة الجوائز عندنا مجمعة 550 ألف جنيه".

وتابع: "دي مسابقة جديدة اسمها مسابقة التأليف المسرحي للعمل الأول، أطلقنا عليها اسم أبو العلا السلاموني، في الأول كانت من غير جوائز مالية واللي بيكسب بيتطبع المسرحية الخاصة به، ودي حاجة كبيرة بالنسبة لحد جديد ومعالي الوزيرة قالت نعمل لهم حاجة رمزية بجانب الجائزة، وهي طباعة المسرحية بتاعتهم، بجانب مبلغ رمزي وهو 10 آلاف للجائزة الأولى و7 آلاف للجائزة الثانية و5 للجائزة الثالثة".

سبب الإقبال على المهرجان القومي للمسرح 

أما عن سبب إقبال الجمهور على عروض المسرح القومي، قال: "حصل حراك مسرحي، والسنة دي سهلناها على الناس وخلينا الحجز أونلاين اللي بييجي من بره القاهرة عارف أنه هيدخل وبيختار العرض اللي عاوزه، والسنة دي كان فيه عروض مسرحية كتير وكل المسارح بتاعة الدولة شغالة وعندها عروض وإقبال كبير جدًا".