إنچي علاء عن تعاونها مع يوسف الشريف بعد انفصالهما: في عشرة مابينا

تحدثت الكاتبة إنجي علاء عن تعاونها مع طليقها الفنان يوسف الشريف في مسلسل "الراكون" مؤكدة أن العمل بينهما مستمر بالرغم من الانفصال، وأنهما في مرحلة التحضيرات ليكون جاهزا للعرض في رمضان 2025.

تصريحات إنچي علاء

 قالت إنجي علاء خلال حوارها  مع برنامج "عرب وود": "عملت مجهود كبير في المسلسل بقالي سنتين كان بيتكتب أخد وقته أوي في الكتابة والتحضير، إحنا بنحضر حاليا، ومعايا المخرج ماندو العدل وسعيدة بالشغل معاه ويوسف الشريف عامل فيه مجهود كبير ووصلنا إنه إن شاء الله رمضان اللي جاي".
 

وعن فكرة تعاونها مع يوسف الشريف بعد الطلاق قالت إنجي علاء: "إحنا اشتغلنا أكتر من 12 عمل مع بعض في عشرة شغل كبيرة وطويلة جدا ملهاش أي علاقة بالحاجات الشخصية إحنا متعودين على الشغل مع بعض جدا دا شيء طبيعي مفيش أي مشاكل والعلاقة الشخصية بينا كويسة جدا".

طلاق إنچي علاء ويوسف الشريف 

كتبت إنچي علي عبر صفحتها الشخصية على موقع التواصل الاجتماعي انستجرام “قدر الله وماشاء فعل يؤسفنا أن نعلن نحن إنجي علاء ويوسف الشريف أنه قد تم الانفصال الرسمي بيننا مع التأكيد على استمرار علاقة الود والمعزة والاحترام المتبادل تقديرا لسنوات العشرة الطيبة التي جمعتنا ولأولادنا أجمل نعمة أنعمها الله علينا.. دعواتكم ربنا يكتبلنا اللي فيه الخير.. اشهد الله يا يوسف ان طول فترة زواجنا ماشوفتش منك غير كل خير وربنا يوفقك في اللي جاى الحمد لله على كل شئ”.

اقرأ أيضا:بسنت شوقي: محمد فراج متطرف في حب الأهلي وبتابع الكرة العالمية أكتر