ميار الببلاوي: "دعيت على إيناس الدغيدي في الحرم ونجلاء فتحي أقنعتني بمشهد ساخن في رمضان"

كشتف الفنانة ميار الببلاوي عن تفاصيل أزمتها مع المخرجة إيناس الدغيدي، مؤكدة أنها دعت عليها في الحرم المكي؛ بسبب مشاهدها في فيلم ديسكو ديسكو.

قالت ميار الببلاوي خلال حوارها مع الإعلامية بسمة وهبة: “دعيت على إيناس الدغيدي في الحرم بسبب فيلم ديكسو، أنا مكنتش عايزة أعمل المشاهد دي كلها في فيلم ديسكو، ومكنتش عايزه ألبس مايوه وأنا اتحجبت ومكنتش عايزة حاجة زى كده تتعرض، وأنا متربية في بيت متدين وكنا بنصور في رمضان وكنت صايمة”.

أزمة ميار الببلاوي وإيناس الدغيدي

وتابعت: "جيت أصور المشهد الجريء ده قولتلهم نصور بعد الفطار، قالولي لا، وكنا بنصور في رمضان في الديسكو طول النهار وأنا الوحيدة اللي صايمة في الشباب، لأن مكنش ينفع يصوموا كل المشاهد بيشربوا، ودي كانت رؤية الإخراج".

وأضافت ميار الببلاوي: “دخلت الحمام وقفلت عليا وعمالة أعيط وأستاذة إيناس اتعصبت وقالتلي انتي هتقعدينا ساعتين لغاية الفطار احنا عايزين نصور ونمشي ونجلاء فتحي اقنعتني وقالتلي رمضان إحنا مبناكلش فيه عشان الفقراء بس والموضوع مش مستاهل كل اللي عملتيه ده، وعملت المشهد بعد الفطار”.

فيلم ديسكو ديسكو

فيلم ديسكو ديسكو تم عرضه عام 1993، وكان من بطولة الفنانة نجلاء فتحي، محمود حميدة، صلاح ذو الفقار، شريف منير، ميار الببلاوي، عبد الله ‏محمود، عمرو عبد الجليل، والعمل من الإخراج إيناس الدغيدي.

اقرأ أيضًا: بسمة بوسيل: “مبقدرش أغفر الخيانة وهرفض إن بنتي ترتبط بشخص مشهور”