"صحيت لقيت نفسي تريند".. أول تعليق من محمد هنيدي بعد تعرضه لوعكة صحية

حرص الفنان محمد هنيدي على طمأنة جمهوره على حالته الصحية، بعدما نشر طبيبه المعالج صورته من داخل المستشفى، وأشار إلى أنه خضع لعملية قسطرة في القلب وحالته الصحية جيدة وبخير.

قال الفنان محمد هنيدي في فيديو نشره عبر صفحته بموقع فيس بوك: “مساء الخير وكل سنة وحضراتكم طيبين وبخير، حبيت أطمن حضراتكم إني بخير وفي بيتي وزى الفل، والخبر ده قديم، والموضوع كان أول رمضان وكانت قسطرة بسيطة عملهالي الدكتور حسام الحصري علشان يطمن عليا والحمد لله كله زي الفل”.

تفاصيل الحالة الصحية للفنان محمد هنيدي

وتابع محمد هنيدي: “اتخضيت ولقيت نفسي متصدر تويتر وطالع تريند، وأنا ما عملتش حاجة، كنت نايم ولسه صاحي وقلت يمكن علشان الكنيش محدش لسه شافه، وربنا يخليكم ويسعدكم وكل سنة وحضراتكم طيبين شكرًا جدًا ليكم”.

وكان الطبيب المعالج للفنان محمد هنيدي قد نشر صورة له من داخل المستشفى، وكشف أنه خضع لعدة فحوصات وتحاليل، وقال: “اطمنا على الشرايين التاجية للفنان محمد هنيدي، اللي أسعد الناس بتلقائيته وعفويته وعدم خدش حياء المصريين، اطمنا على الشرايين التاجية والدعامات، اللي كنا صلحناها قبل كده في ليلة من ليالي رمضان برضه من كام سنة، والحمد لله قلبه زي الحديد، وربنا يجعله سبب لسعادة الناس في الخير”.

اقرأ أيضًا: بسمة بوسيل: “مبقدرش أغفر الخيانة وهرفض إن بنتي ترتبط بشخص مشهور”