طارق فؤاد: "صحيت من النوم ملقتش صوتي ومدحت صالح مسألش عليا رغم إننا قرايب"

أعرب الفنان طارق فؤاد عن استياءه وحزنه من الفنان مدحت صالح، بسبب عدم سؤال الأخير عنه في فترة مرضه، وتعمده تجاهله دائمًا، مؤكدًا أن هناك صلة قرابة بينهما، وأنه أول شخص ساند مدحت صالح وكان سبب في دخوله الوسط الفني.

كشف المطرب طارق فؤاد في برنامج العرافة، عن سبب خلافه مع مدحت صالح، قائلًا: “مدحت صالح لما طلع مع أنغام قلب الحقائق، وقالها إن هو وعماد عبد الحليم لا يفترقا ولما أنغام قالت له مش كان معاكم طارق فؤاد قالها اه اه كان معانا، لا مدحت اللي كان معانا مش أنا اللي كنت معاه، عماد كان بيعدي عليا أنا كل يوم الصبح”.

سبب خلاف طارق فؤاد مع مدحت صالح

وتابع طارق فؤاد: “زعلت من مدحت صالح لإنه تجاهلني، ليه كده ما تقول الحقيقة عمره ما طلع في مرة قال إن طارق فؤاد أول واحد رحت له، وقلت له أنا عايز أغني، دي حاجة مش هتقل منك، اللي الناس متعرفوش إن مدحت صالح دا قريبي ابن عمي كان متجوز أخته”.

واختتم طارق فؤاد حديثه قائلًا: “في فترة مرضي مسألش عليا خالص، أنا مريت بأزمة صحية في 2016 وفضلت أعاني منها لحد 2020، صحيت الصبح ملقتش صوتي، بسبب حساسية وربو على صدري بسبب الكورتيزون، وصوتي رجع تاني لوحده فجأة من عند ربنا”.

اقرأ أيضًا: بطولة طفلة وطابع أوروبي.. معلومات عن فيلم The Goat قبل عرضه في مهرجان الجونة