صلاح عبد الله يثير الجدل: "النقاب كتلة سوداء ومش زي إسلامي"
كشف الفنان صلاح عبد الله عن رأيه في ارتداء النقاب، وذلك أثناء حلوله ضيفًا مع الإعلامية أسما إبراهيم في برنامجها الرمضاني "حبر سري" عبر قناة "القاهرة والناس".
قال الفنان صلاح عبد الله: "أنا عارف إن ده هيعملي مشاكل مع المتعصبين، ممكن بعد كده أتراجع ولكن لغاية اللحظة دي، يعني إيه مقدرش أميز راجل عن ست، وليه لما الكهربا تقطع وألاقي حد اتخض لإنه كتلة من السواد، الحكاية دي بتعمل حساسية عند بعض الناس وهيشتموني بس دا لغاية دلوقتي قناعتي".
صلاح عبد الله: النقاب من زي إسلامي
وتابع صلاح عبد الله: "النقاب مش زي إسلامي والله أعلم، وصعب عليا إن بنت من بناتي تيجي تقولي أنا عايزة ألبس النقاب وهرفض ولو عملت اللي في دماغها هتبقى مشكلة، هحاول أقنعها وأقولها اتحجبي، وأنا مش مربي بناتي على كده هما ملتزمين ومحتشمين".
اقرأ أيضًا: بطولة طفلة وطابع أوروبي.. معلومات عن فيلم The Goat قبل عرضه في مهرجان الجونة
