كنت هكمل لوحدي.. أول تعليق من حسن شاكوش بعد عرض حلقته مع رامز جلال

علق الفنان حسن شاكوش على حلقته ببرنامج " رامز جاب من الآخر" والتي جمعته بطليقته ريم طارق، مقدما الاعتذار للجمهور ولرامز جلال بسبب عدم تكملة الحلقة.

تعليق حسن شاكوش على حلقته مع رامز جلال 

 قال حسن شاكوش في بث مباشر على صفحته الشخصية على موقع التواصل الإجتماعي انستجرام:" عايز أقول لجمهوري متزعلوش  مني وحقكم عليا كنت عايز أقدم ليكم أحسن حاجة وحلقة حلوة عشان إحنا في جو رمضان وعايز الناس تنبسط وقلت الناس تبقى مبسوطة بالحلقة، وقلت أنا عارف أني رايحة لرامز بالرغم أي حاجة هتحصل بس قلت مش مهم المهم الناس تنبسط".
وتابع شاكوش: “أنا أسف على اللى أنتم شفتوه في الحلقة عشان كمان الحلقة مكملتش ومحصلش نصيب، أنا كحسن شاكوش كنت عايز أكمل الحلقة لوحدي، لأن رامز نجم كبير ودي يعتبر 3 سنة أطلع مع رامز وهو محترم، وشكرًا لرامز أنه اختارني من ضمن النجوم اللى استضافهم في البرنامج”.

وأضاف شاكوش: “بقول لرامز متزعلش وحقك عليا أنا عارف أن كنت عايز تقدم أحلى حاجة لجمهورك، بس ده يثبت للوطن العربي كله أنك أنت مش بتتفق مع نجم، وكنا ممكن عادي نكمل الحلقة بس أننا منكملش الحلقة في مصداقية أني مكنتش أعرف واتفاجئت أن في ضيف تاني، والحمدلله على كل حال وكل واحد مش بياخد أكتر من نصيبه، وبتأسف لكل الناس اللى سمعت أي ألفاظ مش كويسة حتى لو مش مني، وإن شاء الله نتقابل رمضان اللي جاي”.

اقرأ أيضاً:جمال العدل يطرح محتوى خاص بذوي الهمم في بودكاست في رمضان