هالة صدقي: بتعامل مع ولادي بطريقة أمي وسن المراهقة صعب
كشفت الفنانة هالة صدقي طبيعة علاقتها لأبنائها، موضحة أنها تعاملهم بنفس الطريقة التي كانت تعاملها بها والدتها.
تصريحات هالة صدقي
قالت هالة صدقي خلال حلولها ضيفة ببودكاست بيج تايم الذي يقدمه الإعلامي عمرو أديب:"بتعامل مع ابني وبنتي زي ما أمي كانت بتعمل معايا، وأنا على دماغهم في كل حاجة، خاصة أن سن المراهقة صعب شوية بس أنا مفتحة عيني شوية".
وأضافت :" بالنسبة لي أنا أهم حاجة عندي ابني وبنتي يمارسوا رياضة وأنا طاحناهم رياضة علشان يطلعوا الطاقة اللي جواهم وتشغل تفكيرهم بحاجة كويسة".
هالة صدقي تتحدث عن ابنائها
وتابعت:" ابني دلوقتِ بيلعب في نادي باريس سان جيرمان والكابتن بتاع الفرقة، وبنتي واخدة أحسن رياضية على مستوى الشرق الأوسط وابني هداف الدوري الفرنسي على مستوى الناشئين هو عمره 14 سنة، وحاولت بكل الوسائل يبقوا في السباحة بس هما ما كانوش طايقينها وفضلوا يلعبوا الكرة". واستكملت:" أنا مش عايزة ابني يسيب الدراسة ويحترف الكرة، لإن الشهادة مهمة، هو عمال يلف على إنه يركز في الكرة وهو بيتكلم فرنساوي وإنجليزي، لاعب الكرة زي الفنان بعد الشر أي حاجة تحصل له يعني مثلًا الشهرين اللي فاتوا صباعه اتكسر وده عطله، يعني أي إصابة بتعني إن مستقبله انتهى".
اقرأ أيضاً:أنتِ مفتاح الحياة.. أصالة توجه رسالة دعم للسيدات في يوم المرأة العالمي
