أحمد العوضي: "هبقى شديد على ابني وهطلعه راجل والبنت مبتتهانش في بيت أبوها"

كشف الفنان أحمد العوضي عن كيفية تربيته لأبناءه في المستقبل، مؤكدًا أنهم سيربيهم كما تمت تربيته من قبل والده بعد وفاة والدته.

قال أحمد العوضي في تصريحات تليفزيونية: “الطريقة الأمثل للتربية كلام كتب وإنشاء مش هشتريه منك، وأنا زي ما اتربيت أنا هربي ابني، وده اللي مطلع العيل يرد على أبوه وأمه، أمك؟ بترد على أمك؟ الصح مبيقدمش وهو في حد بيرد على أبوه وأمه؟ المناقشة تكون في إطار الأدب والاحترام”.

تصريحات أحمد العوضي

وتابع أحمد العوضي: “الأب أب مبيهزرش، لازم يكون في صداقة في إطار الاحترام والهيبة، وإني اترعب لو أبويا عرف إني عملت حاجة غلط ومعملهاش، لازم يكون في حزم في الحياة، الدنيا اتفحت وبقى في حاجات كتير ممكن تبوظ العيل، ولازم الأب طول الوقت يبقى ماسك ابنه وإلا هيروح بيه في ثانية”.

وأضاف العوضي: “أبويا عمل كل حاجة علشانا وكان بيقوم بدور الأب والأم وضحى بحياته علشان يطلعنا كويسين، والبنت غير الولد وطول الوقت أبوها بيثق فيها وبتبقى شايفة أبوها كل حاجة في حياتها ونفسها حبيبها يبقى زيه في حنيته عليها ودلعه ليها، والبنت مبتتهانش في بيت أبوها وبتبقى ملكة، وهبقى شديد مع ابني علشان عايزه يطلع راجل.. أنا حر”.

اقرأ أيضًا: بطولة طفلة وطابع أوروبي.. معلومات عن فيلم The Goat قبل عرضه في مهرجان الجونة