تامر عبد المنعم: "نادية الجندي المفروض تفكر في عزرائيل وحمو بيكا مبيعرفش يغني"
علق الفنان تامر عبد المنعم على تصريحاته قبل ذلك عن الفنانة نادية الجندي، حول بحثها عن فارس أحلامها، إلى جانب الحديث عن تفاصيل خلافه مع مؤدي المهرجانات الشعبية حمو بيكا.
قال الفنان تامر عبد المنعم أثناء لقاءه مع الإعلامية بسمة وهبة، في برنامج العرافة: “الفنانة نادية الجندي لم تتخط الـ 85 سنة، هل البوست اللي كتبته على فيسبوك كان فيه اسمها؟ إن بعد الظن إثم، ولو كان حد عدى الـ 85 سنة وبيدور على فارس أحلامه يبقى عيب اختشي يا ولية أيًا كانت مين، والسن ده الواحد يفكر في عزرائيل، فارس أحلام إيه هذا السن لا يصلح للجواز”.
تصريحات تامر عبد المنعم عن نادية الجندي
وعن تفاصيل خلافه مع مؤدي المهرجانات حمو بيكا، قال تامر عبد المنعم: “حمو بيكا مقرأش اللي أنا كتبته وقالولي مبيعرفش يقرأ، فقولت له شوف حد بيعرف يقرأ يقرألك اللي كتبته، ولما ييجي عليا الزمن وحمو بيكا يقولي نضف قلبك وشوفلك فيلم تمثله، يبقى الحمد لله على إني قولتله شوف حد بيعرف يقرأ ويقرألك، وأنا فنان وحمو بيكا مش فنان، والفنان لما يكون بيجبوه علشان يبقى نمرة فكاهية وحد يطلع يجعر في فرح والناس تتفرج عليه، يبقى نسمي القرد فنان لما القراداتي بيجيبه والناس تتفرج عليه”.
واختتم تامر عبد المنعم حديثه قائلًا: “النجوم في مصر قليلين للغاية ممكن يكونوا 15 بالكتير، ولكن الأكيد إن حمو بيكا مش من ضمنهم، ولو أنا النقيب مكنتش هديله تصريح، ولو أنا الرقيب مش هخلي حمو بيكا يغني لأن ده مش غنا، ده بزاءة وأنا مبحبش المهرجانات، وحمو بيكا مبيعرفش يغني خالص”.
اقرأ أيضًا: بطولة طفلة وطابع أوروبي.. معلومات عن فيلم The Goat قبل عرضه في مهرجان الجونة
