بسمة وهبة عن تصريحات ميار الببلاوي: "ليه ساكتة من وقت الحلقة والشيخ يجيب 3 شهود يأكدوا كلامه عن الزنا"
علقت الإعلامية بسمة وهبة، على تصريحات الإعلامية ميار الببلاوي، وذلك بعد حلقتها معها في برنامج العرافة بموسم رمضان 2024، حول عودة ميار لزوجها بعد طلاق 11 مرة، مما تسبب في مهاجمتها من قبل شيخ شهير اتهمها بالزنا.
قالت الإعلامية بسمة وهبة في فيديو عبر حسابها بموقع إنستجرام: “عمرى الحقيقة ما رديت على حد حتى لو كلامه كدب وده بيحصل كتير أوي، في العرافة ناس كتير تكون طلعت وحلقاتها تكون معملتش تريند أو عملت تريند وعايزين تاني، فبيتقولوا حاجات لنفسهم ويعملوا فضايح لنفسهم في سبيل التريند”.
وأضافت بسمة وهبة: “أنا بطنش وأقول خليهم ياكلوا عيش، فيه كلام اتسرعتي وقولتيه وبعدين قولتيلي والنبي يا بسمة شيليه، وقلت لك من العين دي، وشيلت اللي طلبتيه، اطلعي كذبيني، لا تقربوا الصلاة، ساكتة ليه من يوم ما الحلقة اتعرضت ما دام مضايقة”.
رد بسمة وهبة على تصريحات ميار الببلاوي
وتابعت بسمة: “مبحبش اللي بيجي على الولايا، الشيخ وصل بيه الأمر أنه يوصفك بالزنا، بحب الأزهر ورجال الدين، ومبحبش حد يجي جنب شعرة منهم، دا مش نفس نهج سيدنا النبي، مينفعش الكلام اللي قلته لانه بيتعارض مع الخطاب الديني، هاتلي 3 شهود غيرك يؤكدوا حكم الزنا اللي قلت”.
وكانت ميار الببلاوي قد خرجت عن صمتها في لايف عبر صفحتها بموقع فيس بوك، وهى منهارة من البكاء بعد اتهامها من شيخ مشهور بالزنا، وقالت إن هذا الشيخ قال في حقها ما ليس فيها بعد حلقتها مع الإعلامية بسمة وهبة في رمضان وحديثها عن عودتها لزوجها بعد طلاق 11 مرة.
اقرأ أيضًا: بطولة طفلة وطابع أوروبي.. معلومات عن فيلم The Goat قبل عرضه في مهرجان الجونة
