ميار الببلاوي ترد على بسمة وهبة: "حصلتلي مصايب بعد الحلقة ومجريتش ورا التريند"

ردت الفنانة ميار الببلاوي على تصريحات الإعلامية بسمة وهبة، وذلك بعدما قالت الأخيرة على هجوم أحد الشيوخ عليها بعد اتهامها بالزنا.

كتبت ميار الببلاوي عبر حسابه بموقع فيسبوك: “رغم تحفظي على الجزء الأول واستخدام نفس الأسلوب اللي كان مزعلني ومخليني فاقدة تركيزي في الرد في الحلقة، إلا إني هرد على الجزئية بتاعت البوليكة، أنا بعد الحلقة مفتحتش بقى ولا اهتميت إيه اللي عمل تريند ولا لا، أنا مكنتش مبسوطة بالحلقة، لكن كنت مبسوطة بأنی هكون معاكى لأن أشهد الله أنى بحبك فى الله لموقف عملتيه معايا في بدايتنا الإعلامية وسابلك معزة فى قلبي لإني مبنساش المعروف من حد أبدًا”.

رد ميار الببلاوي على تصريحات بسمة وهبة

وتابعت ميار الببلاوي: “طريقتك في الكلام مضايقنى أنا فعلًا متكلمتش رغم المصايب اللى حصلتلي بعد الحلقة لإني قولت شوية، والموضوع هيموت یعنی مجریتش ورا تريند ولا فضحت نفسي ولا كذبت زى ما حضرتك تفضلتي، لكن بمجرد ما الشيخ اتكلم أيوه مكنش ينفع أسكت ولازم أدافع عن نفسى وأى حد كان بيقولي بسمة السبب بقولهم أنا رحت بإرادتي وأنا الى جاوبت على الأسئلة بس هى مكنتش بتدیني فرصة للتوضيح”.

واختتمت ميار الببلاوي حديثها قائلة: “كنت مضايقة من الطريقة والأسلوب في الحلقة، وده أفقدني تركیزي، وبالنسبة للمونتاج قولت إن فى حاجات كتير اتمنتجت وده حضرتك أقريتيه، لكن مقولتش إنك ركبتي صوت وكده، شكرًا بسمة لنصيحتك لابني وشكرًا على دفاعك عني، بس رجاء اتكلمي عني بطريقة غير كده، لإنك عارفه إني مستاهلش أى إهانة ولا تجاوز، اسال الله العظيم رب العرش الكريم أن يغفر لنا أجمعين وبرضه أحبك في الله”.

اقرأ أيضًا: بطولة طفلة وطابع أوروبي.. معلومات عن فيلم The Goat قبل عرضه في مهرجان الجونة