مي القاضي: الجواز مش حاجة سهلة وهذا موقفي من المساكنة

كشفت الفنانة مي القاضي  تفاصيل مرورها بتجربة عاطفية، صعبة ، أثرت على حالتها النفسية وعلى أسلوب حياتها  بشكل كبير.

تصريحات مي القاضي 

قالت مي القاضي خلال حلولها ضيفة ببرنامج " تفاصيل " مع الإعلامية نهال طائل:"أنا فضلت سنين بسيبه وارجع له، واكتشفت بعد ما نهيت  الموضوع أنه مكنش حب خالص، أنا ماحبتهوش ثانية، هي كانت علاقة سيئة، لأنه كان بيعرف يلاعبني ويوديني وأنا بحبك ويعيط بالدموع عشان ما اسيبهوش، وبعد ما أبقى معاه يرجع وحش، فالموضوع كان  نفسي  بحت".
 وأضافت:" اتخطبت لنفس الشخص لمدة ثلاثة شهور ونصف، وكانت أصعب تجربة في حياتي، وانا بيجيلي وقت في العلاقة ببقى خلاص  مش قادرة أكمل ، عشان اللي قدامي شايفني كويسة، بيتخيل أني عمري ما هعمل كده، بيجيلي وقت الإنسان دا أنا مش قادرة أشوفه تاني او أنه يبقى في حياتي ، ولو كان في حب فهو راح، فابعد عن حياتي خلاص مش عايزاك".

مي القاضي ورأيها في المساكنة 

وعن رأيها في المساكن قالت مي القاضي:" أنا ارفض المساكنة تمامًا احنا في مجتمع مسلم، ومجتمع شرقي، قبل أي حاجة، لأ طبعًا مش مع المساكنة، بس أكيد لازم يعرفوا بعض كويس  قبل الجواز وعن قرب، بس مش معنى عن قرب يبقى المساكنة، احنا ممكن ننزل مع بعض كل يوم في أماكن عامة  وفي فترة الخطوبة احنا عند بعض وأهالينا عند بعض ونقرب من بعض نعرف بعض، لأن قرار الجواز ده مش سهل خالص واحد بسلمه نفسي والقانون والشرع بيدوله أنه يتحكم فيا تماما".

اقرأ أيضاً:عمرو مصطفى: أنا فنان عالمي وعندي ألحان في جميع أنحاء العالم