مايا دياب: "اشتغلت وأنا عندي 13 سنة والست في لبنان مش واخدة حقها"

كشفت الفنانة مايا دياب عن العديد من الأسرار حول حياتها الشخصية والعملية، منها طفولتها التي أشارت فيها إلى أنها لم تعيشها بشكل صحيح.

قالت الفنانة مايا دياب خلال لقائها مع أنس بوخش في برنامج AB Talks: “اشتغلت وأنا عندي 13 سنة وفي الوقت اللي كان المفروض أتبسط فيه كنت بشتغل وبروح المدرسة في وقت واحد، حياتي كلها شغل من طفولتي لحد دلوقتي، والشخص اللي بيشتغل من بدري بينسى يعني إيه طفولة، فبعوض طفولتي في بنتي”.

تصريحات مايا دياب

وتابعت مايا دياب: "في بلدنا المرأة مخدتش حقها، فأنا مناصرة للمرأة بشكل كبير، وبلاقي إن النهاردة اتقدمت كتير في كل المجالات في كل الدول العربية، لكن في لبنان لسة متأخرين جدًا في حقوقها المدنية وكل الحقوق".

أما عن علاقتها بطليقها، أضافت مايا دياب: “لما كنت بتسأل طول الفترة اللي فاتت إنتي مطلقة ولا متجوزة؟مكنتش بجاوب، كنت عايزة أحافظ على حب العيلة لبنتي، لأن باباها كان بييجي يشوفها وقت ما يحب، ومعنديش شروط خالص لده، ده أبوها وإنسان كنت بحبه ومازلت بحبهم، وبكره كلمة مطلقة، هى يا إما متزوجة يا إما single”.

اقرأ أيضًا: بطولة طفلة وطابع أوروبي.. معلومات عن فيلم The Goat قبل عرضه في مهرجان الجونة