حسن الرداد: كنت باجي من دمياط عشان اقابل المخرجين.. ووفاة شقيقي تعبتني نفسيًا
تحدث الفنان حسن الرداد عن بداية دخوله مجال التمثيل، والصعوبات التي واجهها حتى وصل لحلمه منذ الطفولة.
تصريحات حسن الرداد
وقال حسن الرداد خلال حلوله ضيفاً ببرنامج" كلمة أخيرة" مع الإعلامية لميس الحديدي،: "انا شقيت كتير وتعبت، وفي عام 2006 اتنقلت من دمياط للقاهرة، ودخلت معهد الفنون المسرحية لكن قبلها كان في سنين من المعاناة، بدأت بمحاولات اني اقابل المخرجين وكنت باجي من دمياط مخصوص علشان أقابل مخرج، وأرجع وأحيانًا المواعيد كانت تبوظ، وكان في أيام كتيرة صعبة عديت عليا فيها أيام السعي واتعلمت منها أن كل حاجة ليها وقتها".
حسن الرداد يتحدث عن وفاة شقيقه
وعن وفاة شقيقه قال الرداد: "عانيت أوي وقت وفاة أخويا فادي سنة 2003، وكنت تعبان نفسيا رغم تخطيطي من صغري للي كنت عايز أوصله ، وأنا صغير كنت عاوز ألعب كرة وفضلت ألعب من سن 2011 حتى سن المراهقة، لكن شغفي فضل موجود بشكل فظيع عشان أبقى ممثل، وماكنتش قادر أقاوم هذا الشغف، وقررت أني خلاص لازم اروح للقاهرة رغم أن المدربين وقتها قالولي أن مستقبلي كويس في مجال كرة القدم، وحبيت حياة التمثيل لأني مش بحب حياة الروتين والتمثيل بيحققلي ده".
اقرأ أيضاً:بسنت شوقي: محمد فراج متطرف في حب الأهلي وبتابع الكرة العالمية أكتر
