"أرجو اتخاذ إجراءات صارمة".. حسن الرداد وعبير صبري يهاجمان "أوبر"
علق الفنان حسن الرداد على واقعة محاولة خطف فتاة من قبل سائق أوبر ومحاولة اغتصابها، وهاجم الرداد شركة أوبر عبر صفحته الشخصية على موقع “فيس بوك”.
حسن الرداد يهاجم شركة أوبر
و كتب حسن الرداد:"يجب التحقيق والتصدي لشركة أوبر، على محاولات الخطف والإرهاب، لكتير من المستخدمين لهذا التطبيق، فين الكشف عن المخدرات لكل السائقين".
وأضاف:" أعرف كذا حالة تعرضت لمواقف سخيفة من سائقين أوبر طلبوا من الركاب إلغاء الرحلة قبل بدايتها لماذا؟ وكتير من أوبر يقولك أديني فلوس كاش بالرغم من ربط الإبليكشن بكروت الفيزا، أرجو اتخاذ إجراءات صارمة وحازمة قبل ما تروح أرواح ثانية بسبب أوبر واحدة ماتت والثانية تعرضت لمحاولة اغتصاب وما خفي كان أعظم".
عبير صبري تهاجم شركة أوبر
وأطلقت عبير صبري عبر صفحتها الشخصية على فيس بوك حملة تدعو فيها لإلغاء تطبيق أوبر وكتبت:" أما عايزة نعمل حملة عشان نقاطع أوبر أرجو انك تساعديني في نشر البوست بتاعي وطلبي أن البنات في مصر تعمل حملة لإلغاء الأبليكيشن ده لأنه أصبح خطر علينا كلنا وممكن أي بنت وست فينا تتعرض لنفس مصير حبيبة والبنت بتاعت النهارده وغيرها".
وأضافت:" ضرورة إحكام الرقابة على السيارات والعاملين في الشركة من خلال تركيب كاميرات مراقبة لمتابعة الرحلات، هي شركة أوبر دي مسؤولية مين؟.. يعني اللي بيشغلهم مين.. الكبير بتاعهم مين؟؟.. هل هما شركة بتشتغل مع نفسها كده بيزنس خاص يعني..وإذا كان كده فين الرقابه عليهم ؟ مفيش رقابة عليهم ليه؟؟".
وتابعت:'ليه مفيش كاميرات في العربيات دي زي دبي في أي تاكسي ولا البنات هتفضل كل يوم يخطفوهم ويموتوهم ويتحرشوا بيهم ويعتدوا عليهم ويغتصبوهم؟؟؟؟.. ازاي مفيش حل مع المجرمين دول لازم السواقين دول يكونوا تحت مسؤولية وزاره الداخلية أقل شيء بعد الجرائم المتكرره دي ارجو ان تتضامن النساء في مصر للمطالبه بغلق هذا الابليكيشن".
اقرأ أيضاً:أنتِ مفتاح الحياة.. أصالة توجه رسالة دعم للسيدات في يوم المرأة العالمي
