الرئيس السيسي: سنتجاوز الأزمة الاقتصادية مثلما تجاوزنا الإرهاب
أكد الرئيس السيسي خلال لقائه أهالي مطروح، أن الأزمة الاقتصادية سوف تنتهي وتتحول إلى ماض كما انتهت أزمة الإرهاب في مصر وتحولت إلى ماض وتاريخ.
تجاوز الأزمة الاقتصادية
وأكد الرئيس السيسي قائلا: "التحدي الاقتصادي اللى أنا شايفه، والحكومة واحنا كلنا هنقدر نتجاوز المرحلة دي ويبقى تاريخ.. وهيبقى تاريخ زي الإرهاب وهتبقى تاريخ بفضل الله سبحانه وتعالى، والظرف الاقتصادي الصعب ده هيبقى تاريخ إن شاء الله... وننفذ شبكة طرق متكاملة في كل محافظة مطروح".
حل مشكلة المياه في مطروح
كما أكد الرئيس عبد الفتاح السيسي بشأن أزمة المياه في مطروح، أن الدولة استطاعت حل مشكلة المياه التي كانت تعاني منها محافظة مطروح منذ 7 سنوات، موضحا: "من 7 سنين كانت فيها مشكلة مياه.. وفرنا مياه شرب كامل لمطروح.. وفق خطة لتحلية المياه وتوفيرها للمدن الساحلية على البحر المتوسط.. برنامج محطات لتحلية مياه البحر ودي اللى هتوصل لأهالينا في المدن دي".
استمرار أعمال التطوير
وأضاف الرئيس السيسي، خلال كلمته في لقاء مع أهالي مطروح: "المطالب كتير لأن احنا متأخرين كتير.. ويمكن اللى بنقول بنشتغل على كامل الدولة قصدت بيها ان محتاجين نعمل كتير اوي.. مش طريق بس ومش مدرسة بس.. طريق ومدرسة وقطار وحاجات تانية كتير.. بنتكلم في 105 ملايين.. ولو مش اشتغلنا بهمة وعلى طول.. وأثناء كورونا كنا شغالين.. ودلوقتي شغالين وهنفضل شغالين كده".
استقبال أهالي مطروح للرئيس السيسي
استقبل اليوم أهالي مطروح الرئيس السيسي، حيث جاء لتفقد المشروعات التي تم تنفيذها في السلوم بمحافظة مطروح.