"صباح الخير يا عرب".. رنا سماحة تُقدم برنامج جديد على قناة MBC
أعلنت الفنانة رنا سماحة، عن تقديمها برنامج جديد على شاشة قناة MBC بعنوان “صباح الخير يا عرب”، مشيرة إلى أنها ستقدم عدد من المقابلات المميزة مع جميع نجوم مصر.
نشرت الفنانة رنا سماحة صورة من كواليس تصوير برنامجها الجديد صباح الخير يا عرب، عبر حسابها بموقع إنستجرام، وعلقت: “عايزة أقول أني سعيدة ومبسوطة جدًا بالخطوة دي، إن شاء الله بوعدكم إني أكون عند ثقتكم فيا وتشوفوا لقاءات بشكل جديد مع كل النجوم في مصر، وأقدر أقولكم دلوقتي رسميًا مذيعة في MBC مصر برنامج صباح الخير يا عرب”.
تصريحات رنا سماحة
وكانت الفنانة رنا سماحة قد كشفت مؤخرًا عن تعرضها لظلم شديد في فترة ما، وكتبت عبر حسابها على فيسبوك: “جت عليا فترة أتعرضت لظلم في شغلي، واتقهرت أوي واتوجعت لدرجة أني كنت بحس أن قلبي هيقف، واكتشفت أن الظلم ده أوحش إحساس ممكن يعيشه الإنسان، كنت بقعد اسأل ربنا هو أنا عملت إيه يا رب، ليه زعلان مني، ومكنتش عارفة أن ربنا شايلي خير كبير، وأحسن مليون مرة من حتى اللي بتمناه”.
وتابعت: “مكنتش عارفة أنه مش زعل بالعكس ده خير كبير، دلوقتي أنا بعيش عوض ربنا وجبره الكبير لخاطري، وأنا مش مصدقة وبقوله كتير عليا يا رب الكرم ده.. اللهم لك الحمد حتى ترضى، وإذا رضيت وبعد الرضا، وأما بنعمة ربك فحدث.. اوعوا تيأسوا أبدًا وتقولوا خلاص قفلت كده، متعرفوش قدام الباب اللي بيتقفل كام باب أوسع بيتفتح”.
اقرأ أيضًا: بطولة طفلة وطابع أوروبي.. معلومات عن فيلم The Goat قبل عرضه في مهرجان الجونة
