أمير كرارة: كنت مرعوب من كوميديا "البعبع"

يشارك الفنان أمير كرارة في موسم أفلام عيد الأضحى، فيلمه الجديد "البعبع". وأوضح كرارة أنه كان خائفًا من خوض التجربة في الأعمال الكوميدية لأول مرة، قائلا: "كنت مرعوب من الفيلم ده".

وأضاف أمير كرارة- خلال حواره مع الإعلامية منى الشاذلي في برنامج "معكم منى الشاذلي" على قناة cbc- أن الفيلم خرج للنور بطريقة غريبة ومختلفة بالنسبة له. وقال كرارة: "لما بتفرج على أفلام أجنبي بيبقى فيها أكشن وكوميديا وبيتهيألي إن الفيلم ده مختلف وبقالنا زمن متعملش الأكشن الكوميدي بالشكل ده".

كرارة: البعبع مفيهوش غلطة

وكشف كرارة أن بداية الفيلم كانت لقاء جمعه مع المؤلف إيهاب بليبل، الذي عرض عليه الفيلم وأعجب به، قائلا: "إيهاب قعد حكالي الفيلم كله بالحوار بتاعه وبقيت أضحك من حكيه، مع إنه مكنش لسه كتب الفيلم.. وعجبني.. بس عدّت سنة ونص دون تنفيذه لأننا اتشغلنا احنا الاتنين... وجه المخرج حسين المنباوي وقالي عاوزين نعمل فيلم.. فقلت له عندي فيلم وبعتهوله، بعد 3 ساعات اتصل وقالي ده فيلم حلو جدا متسبهوش، ده فيلم مقفول بالمفتاح مفيهوش غلطة.. وفعلا كلمنا إيهاب والمنتج وقعدنا واتفقنا وبدأنا تصوير على طول".

وأعرب كرارة عن أن تخوفاته من تجربة الكوميديا لأول مرة، بددها العديد من العوامل المطمئنة في العمل بالنسبة له، مثل الأبطال محمد عبد الرحمن ومحمد أنور وباسم سمرة وياسمين صبري.