عفاف مصطفى: عادل إمام كان بيقولي محدش بيضحكني غيرك

تحدثت الفنانة عفاف مصطف عن علاقتها بالفنان عادل إمام وأسرته، مشيرة إلى أنها تعودت على التواصل معه وأن رامي نجله لا يجيب على التليفون.

قالت عفاف في برنامج تفاصيل مع الإعلامية نهال طايل، إن الزعيم عادل إمام هو من رشحها لمسلسل أستاذ ورئيس قسم الذي تم عرضه في عام 2011، مشيرة إلى أنها تعودت على التواصل معه.

تصريحات عفاف مصطفى

وأضافت: "اتعودت اتواصل مع الزعيم في التليفون أو أروح اللوكيشن أسلم عليه، سواء كنت معاه في العمل أو لا وهو جميل ولطيف جدًا وفوق الصورة اللي كل الناس بتتكلم عنها، ودايمًا يقولي يابت يا عفاف أنا محدش بيضحكني غيرك".

وتابعت: "عادل إمام كان بيبقى مبسوط لما بكون قاعدة معاه، ودايما بحكيله أنا بعمل إيه، ولما كان يكلمني يلاقي صوتي مش كويس كان يقولي ابعتلك دكتور، وتاني يوم يتصل يتطمن عليا، هو ودود ومحترم ومتواضع للغاية".

أما عن علاقتها بأبناء الزعيم، أوضحت: "رامي إمام أنا أعرفه كويس واشتغلت معاه مرتين في مسلسل العراف وعايزة أتجوز، وهو إنسان خجول أكتر ما الناس متخيلة، وأولاد عادل إمام إتربوا تربية خاصة، ورامي مبيردش على موبايله، وبيرفض الرد على كافة الرسائل للاطمئنان على عادل إمام، ومن حقي اسأل على الزعيم وأشوفه".