شريف خير الله يكشف سر رشاقة نادية الجندي.. فيديو

كشف الفنان شريف خير الله، عن كواليس تعاونه مع الفنانة نادية الجندي، في فيلم عصر القوة، حيث أكد أنها ملتزمة في مواعيدها وتمارس الرياضة بشكل منتظم.

قال شريف خير الله، أثناء لقاءه مع برنامج "تفاصيل": “نادية الجندي واحنا بنعمل عصر القوة كانت بتنزل الجيم الساعه 7 ونص وتخلص الساعة 9 تروح التصوير الساعه 10 هي بتحافظ على جسمها جدًا وبتهتم بصحتها علشان كده بتصغر مش بتكبر”.

تصريحات شريف خير الله

وتابع شريف خير الله، أنه لا يعرف نادية الجندي معرفة شخصية قبل تعاونهما في الفيلم، وجلس معها ومع المخرج نادر جلال ولم يتواصل معه أحد لمدة أسبوعين بعد ذلك، حتى جاءه اتصال هاتفي من المخرج وطلب منه تقديم شخصية أحمد الفيومي في العمل.

وأضاف شريف خير الله: “بقيت أنا ونادية الجندي أصحاب بعد ما عملنا الفيلم، وبقينا نروح نحضر عروض، وهى الناس كلها بتحبها مش فاهم الجماهيرية دي جابتها من فين، كان ليها جماهيرية كبيرة والناس بتلف حوالين عربيتها عاوزين يشوفوها بس”.