انتصار لـ الرجال: متعزمش البنت على عشاء في أول مقابلة يمكن متعجبكش

كشفت الفنانة انتصار خلال تقديم برنامجها "من غير نفسنة" الذي تقدمه مع الفنانة بدرية طلبة ونوليا، عن عدد من الخطوات التي يجب على الرجل والمرأة اتباعها خلال المقابلة الأولى للتعارف، كما وجهت رسالة للفتيات في نهاية حديثها.

تصريحات الفنانة انتصار

قالت الفنانة انتصار، في برنامجها المذاع على قناة "هي": "اللقاء الأول بين الراجل والست ده يا إما هنكمل مع بعض يا إما مش هنكمل القاعدة أصلا مش العلاقة، اوعوا تقابلوا بعض وتتعشوا أو تتغدوا مع بعض، وأنت إياك تعزمها على غداء أو عشاء، قولوا هنشرب حاجة مع بعض، علشان لو انت قعدت معاها واتضايقت من حاجة زي مثلًا نبرة صوتها أو ريحتها، متبدسش في 6 ساعات قاعد معاها، لكن هتشرب حاجة في نص ساعة وتبقى تقولها هشوفك بقى وتليفونات".

وأكملت الفنانة انتصار النصائح التي قدمتها للرجال والفتيات وقالت: "لو عجبتك في وسط المقابلة قولها طيب تحبي نتعشى؟، ولو هو اللي مش عاجبك ارفضي العشا وقولي ممكن تشربي حاجة وتمشي، ولو عجب البنت تقوله أنا عزماك على الغدا، وتلزيق الحبيبة ده".

واختتمت انتصار موجهة حديثها للفتيات قائلة: "لو انتي بطبعك رغاية وبتحبي تتكلمي في كل حاجة وتحكي عن أهلك، مش لازم تعملي كل ده في أول وتاني لقاء بينكوا، ومش لازم تحكي فركشتي مع مين ومين اللي جه البيت واتقدم، على فكرة هو مش جاي يعملك كشف هيئة، الراجل لسة بيشوف روحك الأول".