أول ظهور لـ أسما شريف منير بعد حلقها لشعرها
ظهرت خبيرة المكياج أسما شريف منير في مهرجان القاهرة للدراما حليقة الشعر، وذلك بعدما كانت قد وعدت متابعيها بذلك، واستغلت حفل توزيع جوائز مهرجان القاهرة الدولي للدراما لكي تُطل على جمهورها باللوك الجديد.
حيث حضرت أسما شريف منير في مهرجان القاهرة للدراما وظهرت على الريد كاربت بإطلالة جريئة وهي مرتدية فستان باللون الذهبي بفتحة جانبية وكانت صلعاء الرأس تمامًا.
أسما شريف منير تشارك جمهورها بعد قص شعرها
ويذكر أن أسما شريف منير قد نشرت فيديو لها أمس على حسابها الرسمي عبر موقع الصور والفيديوهات انستجرام أثناء حلاقة شعرها، وعلقت عليه: "شعري بقاله فترة للأسف بيقع جامد، ده غير أنه اتحرق من كتر العمايل و بقي شكله مش صحي خالص، غير الغده و تأثيرها عليه، ودلوقتي قررت أنفذ قرار كنت عايزة أخده بقالي كتير، وهو إني أبدأ من جديد وأحرر نفسي، وافتح صفحة جديدة مع شعري، وأنا عارفة إنه قرار صعب جدًا بس حسسني بقوة وبتفاؤل".
وأكملت أسما شريف منير حديثها قائلة: "بمجرد إني شلت شعري حسيت إني رميت ورايا حاجات كتيرة قوي، قلبي كان بيدق جدًا و بعدها حسيت إني مليانة أدرينالين، خطوة مرعبة جدًا لأي بنت وجريئة بس حاسة إني طالعة منها بدري، عارفة إن في ناس كتير هتهاجمني بس أنا فرق معايا إحساسي بالراحة النفسية اللي أنا حاساها دلوقتي، عادي هيطول تاني بس الإحساس ده مش هحسه غير مرة واحدة، بكرة هوريكوا النتيجة الأخيرة".
